江若琳車禍後經檢查已出院！老公蕭唯展陪伴在旁工作未受影響：暫時冇乜大礙

更新時間：19:50 2024-12-13
發佈時間：19:50 2024-12-13

37歲女星江若琳今日（13日）中午時份發生交通意外，當時江若琳駕駛私家車在尖沙咀彌敦道近加連威老道 The One 對出，突失控撞燈柱後向左嚴重翻側，據知車禍後江若琳自行爬出車外，頭及頸痛，由救護車送院治理。江若琳被送往伊利沙伯醫院進行檢查，現時已經出院。

江若琳檢查後已經出院

《星島頭條》記者在醫院見到江若琳經理人公司的同事，被問到江若琳是否已經出院？她就表示：「係呀，佢冇大礙，多謝關心，人冇事。（有冇話需要休息幾耐？）我哋都等緊報告，so far都冇乜大礙。（江若琳情緒OK嗎？）佢先生陪緊佢，都ok ！」至於12月27日假廣州舉行的演唱會會否受影響，該同事就表示：「唔會，暫時冇乜大礙，其實都OK嘅。」

相關閱讀：江若琳車禍後最新情況曝光！老公蕭唯展還原事發經過：架車失控

江若琳發生車禍情況穩定：

相關閱讀：江若琳於尖沙咀發生交通意外私家車嚴重翻側立即送院

蕭唯展代老婆IG報平安

江若琳的老公蕭唯展（Oscar）向《星島頭條》表示：「冇事呀輕傷，正在檢查中，但只係擦傷少少，放心！」他續透露：「架車失控，佢盡救返架車所以反咗，好彩人冇事，多謝關心！」蕭唯展在老婆江若琳發生意外後，蕭唯展曾在IG留言代老婆報平安，他貼上一張有合十Emoji的相片並表示：「我老婆無事呀！多謝大家關心。」據消息指，當時江若琳的私家車沿加連威老道東行左二線行駛，右轉入彌敦道時，江若琳的座駕疑失控，撞毀交通燈和燈柱並翻側。

相關閱讀：37歲「翻版阿嬌」激罕晒水着相泳衣一設計盡顯少女味身材唔似生過

↓立即下載星島頭條App↓