黎彼得突點名MIRROR連珠炮發：都唔係歌星嚟三字形容伍仲衡狂焫火頭

更新時間：19:00 2025-01-04
發佈時間：19:00 2025-01-04

有「鬼馬填詞人」之稱的74歲黎彼得（Peter），在70年代和許冠傑成為最佳曲詞組合，合作過7張專輯，成就很多經典，但後來他與不少昔日拍檔如許冠傑等反面收場，詞作產量大減，並加入TVB拍劇。近年黎彼得因患病未能重返《愛‧回家》而決定離開TVB，最近他積極拍片，更爆出很多秘聞。日前黎彼得在其YouTube節目《玖噏秘笈》就再次直指「流行曲已死」，連珠炮發狂轟伍仲衡。

黎彼得寸埋MIRROR

黎彼得在節目中直言十年前已表態指「流行曲已死」，他指出當年「四大天王」之後，就只有陳奕迅接棒，他甚至表示：「咩軒仔呀？都唔知邊個嚟嘅，更加唔好講咩MIRROR，嗰啲更加巴閉啦，但唔好講呢啲，嗰啲都唔係歌星嚟嘅，十拎個跳來跳去又話賣幾千蚊張飛，係唔健康嘅嘢。」黎彼得似乎對近年的歌手都不太欣賞，但就指自己接受《中年好聲音》，卻形容他們是「烏合之眾」，參賽者又保安又養豬。黎彼得又數出《聲夢傳奇》出身的炎明熹、姚焯菲和鍾柔美，指三位小妹妹有潛質，但就提到炎明熹因未肯加簽而甚少再現幕前的傳聞。

黎彼得為乜寸爆伍仲衡？

黎彼得斥伍仲衡本質有問題

其後黎彼得認為因炎明熹而間接導致今次「伍仲衡事件」，他狂踩伍仲衡：「你咩料呀？又唔係Manage過咩好嘅Artist，本身唔係經理人，你太太又話好多Connection，即係點呀？你係陳淑芬呀？你唔係吖嘛」。黎彼得直指伍仲衡與TVB商量一同簽洪心怡是「本質有問題」，等同「篤魚蛋同上市公司大酒樓爭人」。黎彼得又稱不知伍仲衡出身，也不覺他有任何業績，絕非如顧嘉煇這種殿級人物，甚至批評他在《中年好聲音》擔任評審時的風格，「你就自卑變咗自大，以為自己嘩，你冇我呢盞燈你就冇機會得冠軍」，又稱對方不戴耳機扮型，「根本就自己屎忽鬼，扮晒老虎魚蝦蟹，講埋啲嘢語無論次」。

黎彼得指伍仲衡「冇料到」

黎彼得更奉勸伍仲衡一句「你夢裏不知身是客」，要分清主客，如果每個評審各自簽人，樂壇就會大亂。黎彼得直指伍仲衡「冇料到」，即使有指對方彈琴很厲害，他都寸爆指「你叻唔叻得過李雲迪呀」？又指李雲迪都因召妓成失德藝人，坦言做人本質好最重要。黎彼得終於提到不滿伍仲衡的主因：「因為你上次喺《CASH》晚會，我見你滿場飛，好似當自己係天王巨星，喂，都好難頂啫，你呢種喺我哋娛樂圈講就叫『驕定嚟紅』，又唔係未紅先驕。」最後，黎彼得預言洪心怡將會命運坎坷，替她與伍仲衡「攬炒」感不值，直指她是無知少女，未來的路將會荊棘滿途，「唔恭喜佢」。