TVB頒獎典禮2024丨林景程奪最佳男配角激動領獎氣喘感謝監製信任向母證冇學壞

更新時間：22:03 2025-01-19
發佈時間：22:03 2025-01-19

TVB頒獎典禮2024／萬千星輝頒獎典禮2024／紅地氈｜香港電視廣播有限公司（TVB）一年一度的《萬千星輝頒獎典禮2024》將於今日1月19日晚上8時在澳門上葡京綜合度假村舉行。《萬千星輝頒獎典禮2024》將會在今日晚上8時在翡翠台現場直播，而《萬千星輝頒獎典禮2024》的紅地氈今日下午5時半將會在YouTube、Facebook進行直播，大批TVB藝員盛裝出席。《星島頭條》將為大家現場直擊頒獎禮盛況。林景程憑TVB劇集《反黑英雄》奪得《萬千星輝賀台慶2024》的「最佳男配角」。

TVB頒獎典禮2024丨林景程感謝曾勵珍栽培

《萬千星輝頒獎典禮2024》今晚率先頒發大灣區多個獎項，由許紹雄及溫碧霞擔任「最佳男配角」頒獎嘉賓，林景程已第四年入圍爭「最佳男配角」，得悉自己獲獎時，一時未能反應過來，同劇《反黑英雄》傅嘉莉即起拍掌歡呼祝賀。林景程上台領獎時，一時未能接受好消息：「多謝！Sorry！（唞大氣）多謝媽咪、多謝公司、多謝主席、多謝曾生、多謝珍姐、多謝樂小姐、多謝佳哥。Sorry我依家好亂，我完全冇諗過。」

林景程強忍激動情緒續道：「我以前係一嚿飯嚟，唔識講對白，我乜都唔識，但珍姐冇放棄我，依然擺我喺唔同嘅劇裡面。可以吸收好多前輩嘅嘢去學習，打咗好好嘅根柢，多謝你呀珍姐。」

萬千星輝頒獎典禮2024丨林景程奪最佳男配角：

林景程亦不忘多謝監製鍾樹佳：「我有一段好長嘅時間搵唔到突破自己嘅方法，我覺得自己唔會再有咩進展，你畀咗好多幻想唔到嘅角色，我唔覺得我做得到，你話咁樣先可以進步到。你有問過我，你話林景程你仲想挑戰咩角色，我話你畀咩我做咩，我唔係對做任何角色都有信心，我只不過對你畀我嘅角色有信心，我覺得你畀我我會有進步，我會演得好。」

萬千星輝頒獎典禮2024丨林景程獲台下鼓勵

林景程由於致謝講太耐被催促，他說：「我俾人了緊，我第一次俾人了，我好緊張，我扮睇唔到係咪OK架。」獲台下以掌聲鼓勵。林景程續道：「多謝所有用過我嘅監製，我好混亂，多謝屋企人，我咁任性，你哋都支持我，多謝我天上面嘅媽咪，佢好擔心我入呢行，佢好驚我會學壞，我想同你（媽咪）講，我今日拎咗個獎，我覺得好好，同埋我覺得我冇壞到，希望你會滿意今日嘅我，多謝！」