馬清鏗小三「五索」高調晒命惹另一半不滿 寸爆回應四子女出世紙有否爸爸名字
發佈時間：18:00 2025-02-01
馬清鏗／馬清鏗太太／鍾睿心／五索丨已婚大生銀行主席馬清鏗早前被《東周刊》獨家爆出與巨咪網紅「五索」鍾睿心（Rachel）暗交9年並誕下四名孩子，豪言自誇樣靚身材正的五索，連日來高調受訪和拍片，其囂張炫富態度成為城中熱話，近日更被人將她與《東張西望》的何太扯上關係，五索一度嬲爆反擊網民：「有冇搞錯呀？我有錢好多喎，爭好遠，嬲呀。」
五索罕談第一段婚姻
日前五索又高調現身接受楊詩敏和連詩雅主持的YouTube節目《絲打圍爐》的訪問，在節目上，五索稱呼馬清鏗做另一半，她更罕談與第一段婚姻和馬清鏗的相識經過。自從與馬清鏗一齊後，購物從來未睇過價錢牌，五索又稱事件爆出後，馬清鏗並不高興，甚至揚言「每一秒都諗住分手」：「我唔擔心完咗呢段關係冇生活費，佢一早已經畀足我哋。」
相關閱讀：馬清鏗小三「五索」被狠批似足何太！林作甘為X千元變工人兼用口叼一物件
林作裕美五索合體拍片：
馬清鏗小三「五索」曾有過一段婚姻，在節目上，五索坦言與前夫透過交友Apps而認識，拍拖一年多奉子成婚：「嗰陣我哋性格極度不合，我由細都大都想嫁個有錢人，我生完即刻勁後悔，但係因為面而唔想離婚，真係好核突，啱啱結完就離。」五索亦否認自己是「反大婆」：「其實我係支持大婆，我好敬佩佢哋，其實做大婆係好慘，有好多嘢做兼大責任，最後老公又唔係特別錫自己，所以我唔係特別想再結婚。」其後五索提到當年在飯局認識了馬清鏗，她說：「嗰陣我都冇諗咁多，我同前夫已經分開咗，但係我有拍拖，我有個朋友想搵老闆贊助佢啲演唱會門票，就叫我陪佢去，跟住識咗。」
五索因跑車而愛上馬清鏗
五索續說：「我一開頭都無諗咁多，因為覺得佢當我朋友，其實佢好Nice，從來都無講過大話呃我。佢有同我講佢有結過婚，我知道呢件事，所以一開頭都冇一齊。後尾，係因為我貪慕虛榮，因為佢成日揸唔同嘅跑車出嚟，我真係好鍾意跑車，佢嗰陣話唔係佢自己嘅，又講一個假名，我根本Google唔到佢！（估唔到佢咁有錢？）都估到嘅，我唔係咁白痴，點會啲跑車唔係你自己又成日揸出嚟。嗰時就係咁膚淺，因為成日揸唔同嘅跑車出嚟所以就好鍾意。」事件爆出後，五索直認馬清鏗並不高興：「佢不嬲都唔鍾意，由我拍片嗰一刻開始，因為佢都會承壓力，係有微言，但係佢會接受，你feel都佢對你好好，支持你，佢知道呢個係你人生，冇話控制我。」
五索難忘馬清鏗直升機過7位數
其後兩位主持即場與五索玩「你問我答」，有人問：「小朋友出世紙有否寫爸爸的姓名？」五索說：「梗係有喇，有冇知識㗎？冇結婚同出世紙係唔關事。」再有人問：「每生一個小朋友會收到幾多錢？五索說：「睇佢心情喎，每個都唔同，我要乜就有乜，所以冇一個計較，但係如果你話佢畀得最多錢，我覺得係生咗個女，物以膽罕為貴，我生咗4個仔，得一個女。其實佢成日畀錢我，因為屋企好多開支，不過最難忘係喺直升機過錢畀我，過咗7位數。」
相關閱讀：馬清鏗小三「五索」自稱住3千呎山頂獨立屋被爆只是租客？ 傳月租15萬業主非馬家
五索拍片惹馬清鏗不滿？
五索大爆馬清鏗「管得好嚴」
後來又有人問生活費，五索透露自從與馬清鏗一齊後，購物從來未睇過價錢牌：「我發誓冇睇過價錢就去買嘢，信用卡任碌，生活費唔夠就問佢拎，佢每次都畀一大筆，所以真係冇計過。」五索大爆馬清鏗「管得好嚴」，直指他「長期一個鐘就打一次電話嚟」：「因為越住越豪，屋企風景好好，所以我好少出街，多數叫朋友返屋企食飯，不過我唔佢為乜事打電話畀我，我多數cut佢線，喂？唔得閒啊！大佬！你一個鐘打一次電話嚟，你想我講咩啊？」，更表示「屋企都係咁（打電話）」、「我真係唔知佢點解咁多電話要打」、「又唔係講啲咩好重要嘅嘢」。
五索直認每一秒都諗住分手
至於有否想過這段關係可以維持9年？五索說：「每一秒都諗住分手，我成日都想分手，因為我係一個唔受管嘅人，我成日都覺得一段關係穩定咗就想分手，但係佢忍得，每次想分手，佢都唔會咁煩，起碼2個鐘先會打一次電話，我唔擔心完咗呢段關係冇生活費，佢一早已經畀足我哋，佢係一個負責任嘅爸爸，我亦從來冇諗過要搶『大婆』嘅地位，我根本唔想結婚。」
