吳泳傳偷食人夫丨大婆鬧小薯茄吳冰帶三觀不正妹入侵家庭 被指甩前度撻著現任老公
發佈時間：15:41 2025-02-25 HKT
小薯茄吳冰（阿冰）妹妹吳泳今日（25日）傳出疑介入網紅健身教練的婚姻，遭疑是健身教練William的新婚太太「FaFa」爆料，兼公開「捉姦」片及色慾短訊，小薯茄今日在事件曝光後，即在IG發聲明：「事件不牽涉本公司成員，以及涉及他人私隱，我們及後將不會對事件作任何回應。」健身教練William的老婆「FaFa」繼續在IG限時動態出PO，點名小薯茄吳冰至今未有對妹妹的行為表態。
吳泳傳偷食人夫 吳冰被妹妹連累
吳冰妹妹吳泳再被健身教練William的老婆「FaFa」追擊，「FaFa」圖文並茂貼出老公William、小薯茄成員、吳冰、吳泳合照，直斥吳冰：「你貿貿然帶個妹上嚟，事情到咁佢無一句Sorry，事後仲繼續唔著衫喺我哋側邊睇我哋鬧交」、「完全搵唔到你細妹，你帶過嚟，但又唔理佢三觀不正嘅事實。」
相關閱讀：小薯茄阿冰妹妹吳泳傳出軌新婚人夫 大婆公開疑似捉姦片畫面曝光：小三裸體繼續瞓
吳泳傳偷食人夫丨健身教練老婆被爆料：
相關閱讀：吳泳傳偷食人夫丨阿冰妹妹疑與三角關係主角合照曝光 小薯茄多交集程人富任婚禮兄弟
吳泳IG已刪除
「FaFa」又指「小三」已刪社交網：「小三佢Del咗自己IG，明知有老公，明知有老婆，都喺健身室出軌幾次，你哋一句道歉都冇」。「FaFa」又指老公認識吳冰妹妹吳泳，全因吳冰：「William識冰妹係冰帶嚟，開始只係特定幾個成員，冰妹完全唔係成員，但完全被一個自己行為連累。」
教練William被嘲健身界之恥
「FaFa」又鬧老公：「William健身界之恥，平時成日話人哋偷食女學生，而家仲要連累其他人，其他人辛苦健立嘅嘢，就因為你哋2個唔關事忍唔住，一個賤一個姣」，「FaFa」稱仲有勁爆事：「仲有勁爆嘅事，我講咗就代表所有事完結無彎轉」。
相關閱讀：混血肥仔偷食風波 ｜太太芊蕙子再出Po爆老公婚內出軌 稱至今未收到具法律效力的分居協議書
大婆被爆PT變男朋友
不過「FaFa」瘋狂在IG限時動態爆料，卻遭網民指是「迴力鏢」，有網民稱「FaFa」與健身教練William撻著前，曾與前男友拍拖到William的健身室上堂，三個月後便由教練與學員關係轉變為情侶。網民還言之鑿鑿公開時間線：「點得到就會點失去又一例子？健身教練單嘢，大婆2018年9月仲被前男友帶上去教練現任度做gym，2018年10月尾先上緊第7堂training，2018年Halloween同教練一齊出去玩，2018年11月尾已經由PT變男朋友」。
吳泳傳偷食人夫丨教練妻曾帶前度健身
「FaFa」於2018年9月12日曾在IG出PO，公開在健身室的影片，當時見到有一身形纖瘦男子與她一齊健身，「FaFa」留言：「二人同行一人價錢，但二人同行並非一人體力喔！今日帶埋個孱弱的男朋友去，睇住佢嘅腳軟，就諗起我第一日上堂嘅時候，我腳痛咗一星期！去廁所都坐唔低！佢仲陪到我行街已經好叻」。「FaFa」之後在同年11月29日更新IG透露有新戀情：「In love with black！#black #stronger」，還標籤William。
