吳泳傳偷食人夫丨與健身教練偷食過程大公開 大婆fafa鬧爆：即係你主動啦
發佈時間：17:43 2025-02-25 HKT
小薯茄吳冰（阿冰）妹妹吳泳今日（25日）傳出疑介入網紅健身教練的婚姻，遭疑是健身教練William的新婚太太「FaFa」爆料，兼公開「捉姦」片及色慾短訊。男主角William為撲熄老婆怒火主動向太太交代偷食吳泳真相，結果更刺痛了太太，FaFa絕望地在IG的限時動態貼出與出軌老公哭訴的對話。
FaFa 公開與出軌夫對話
健身教練William的新婚太太「FaFa」今午3時許再更新IG限時動態，她貼出與老公的最新對話，FaFa哭着說：「點樣可以講一句『舒服』我想問你，你講一講我想大隻3KG，你係咪大隻3KG呀？我想講一句，我咁樣做，我會舒服啲，即使我攞晒你所有嘢，即使你畀人依家鬧到咁樣，我都唔覺得舒服呀！你明唔明呀，究竟？」William出奇地冷靜答：「我明呀！」
相關閱讀：小薯茄阿冰細妹吳泳疑偷食已婚健身教練 大婆IG公開捉姦片：小三裸體繼續瞓
FaFa公開與出軌夫哭訴對話：
FaFa哭訴：我親眼見㗎！
FaFa傷心得扯晒哮繼續哭泣訴說：「我點解會舒服呀，你而家咁樣，我幫你建立嘅所有嘢，而家就一下子親手，你…你親手去…去催毀晒佢，我點樣舒服呀？」William為𠱁返老婆竟主動說：「講個秘密畀你知」，但FaFa已經聽不入耳，並說：「我親眼見㗎！」FaFa更在動態上@出軌前夫並寫上：「我真係唔覺得舒服，真係 面對呢件事點樣舒服？」、「你最大嘅事，我一路都唔敢講，講完你真係，只有驚嚇同傷害」，看來FaFa似有驚人罪證在手。
相關閱讀：吳泳傳偷食人夫丨阿冰妹妹疑與三角關係主角合照曝光 小薯茄多交集程人富任婚禮兄弟
William承認自己做主動
FaFa在限時動態貼出另一段與William的對話錄音，William解釋與吳冰出軌的事情，「我就冇嘢做坐咗喺度，跟住同佢傾偈」，FaFa嬲爆地反問：「跟住呢？就搞嘢嘞？」William解釋：「跟住就越傾越埋」，FaFa又質問William：「第一次越傾越埋，邊個做主動吖？你…即係你啦，係咪呀？」William承認自己做主動，Fafa表示：「咁佢如果唔想佢唔會同你一齊搞㗎喎！佢明知你有老婆，你又明知你有老婆，點解你會咁樣嘅？」William稱不知道對方甚麼心態，而FaFa又追問：「佢完全冇推開過你就咁嘞？係咪呀？你搞佢嘅時候，你開頭嘅時候，佢完全冇推開你？」錄音到此結束。
相關閱讀：吳泳IG已刪除！ 小薯茄吳冰細妹傳偷食人夫被批三觀不正 大婆被爆甩前度撻著PT變男友
FaFa對出軌夫絕望
而FaFa亦在該動態上寫上，「唔好再留戀，唔好再俾機會，只係想斷絕關係」、「腦海瀝瀝在目個上床嘅畫面」、「我每次眨眼都係心痛，眼唔敢再眨一下，同自己講：唔好再俾同一個人，一二再二三傷害我，我都係人」、「我講一次，聽一次佢把聲，我都碎多次，唔好俾自己返轉頭」。
相關閱讀：混血肥仔偷食風波 ｜太太芊蕙子再出Po爆老公婚內出軌 稱至今未收到具法律效力的分居協議書
FaFa寄語出軌夫生性
最後FaFa在動態貼上結婚當日接新娘的照片，並絕望留言，「到底係幾強大/幾絕望」、「先可以祝我新分快樂」、「你哪熱唇她吻我又吻」，她更@William表示：「唔好再pt girl fd/唔好flirt學生/生性。你上床3次就開心，俾人話就唔想？人要承擔後果，我用婚姻承諾一生扶持你，而家我有我理想不到承擔了。到你～再也不見！」
