方大同離世｜香港醫護爆方大同驚喜送寶貴禮物：好人點解咁早離開？網民揣測患病時間軸

更新時間：15:32 2025-03-02 HKT
發佈時間：15:32 2025-03-02 HKT

音樂才子方大同（Khalil）所屬賦音樂昨日（1日）在微博上發文指方大同以積極的態度面對頑疾5年，於上月21日離世，終年41歲。有傳方大同的喪禮已低調完成，儀式上有他留給親友的話語：「時間不等人，隨著年齡的增長，更能深入理解時間的現實與虛幻。生活給我們帶來了各種各樣的轉折和挑戰，但我認為我們的目標之一應該是以雅緻得體的態度去走完生命之路。」今日（2日）有香港網民在threads上，晒出兩張方大同的2011年香港演唱會門票及簽名的照片，透露方大同生前為人友善親切，就連不見2年的香港醫護人員，也送上演唱會門票，難怪該名網民指「點解一個咁好嘅人，會咁早離開？」

方大同離世｜醫護粉絲晒舊演唱會票

今日（2日）有網民在threads上晒出一張，內有數張方大同的2011年香港演唱會門票照片，並留言：「謝謝你記得醫院有一堆姑娘仔喜歡你，你無事無幹，都叫人送演唱會飛俾我哋！我哋開心咗好耐！你唔係送一次，你係隔咗2年，仲記得我哋呀！呢個世界點解會有啲咁叻嘅人？仲要對啲三九唔識七嘅人都咁好？點解一個咁好嘅人，會咁早離開？點解？」照片中可見相中人手持五張方大同的香港演唱會門票，門票上寫著《15 方大同 Khalil Fong Live in HK 2011》，而演出日期為2011年8月25日。

方大同離世｜醫護粉絲追憶「天使暖舉」：

方大同離世｜眼利網民憑一點推測患病時間軸

其後，該帖主又晒出一張方大同親筆簽名的照片，並留言：「原來已經咁多年，當時知道大同會返醫院覆診，我搬咗全部CD同一本書返醫院，叫個醫生幫我俾佢簽名，因為工作時間我哋費事騷擾佢，要扮晒專業！呢本書係我嘅，但佢寫埋我同事個名，搞到啲同事驚我嬲，傻啦，佢覆診仲要佢簽名，真係我都唔好意思！有啲後悔嗰陣冇搵佢合照，因為佢媽媽陪佢，我笠水，繼續扮專業，實情係喺佢後尾枕心心眼！大同，謝謝你的音樂，謝謝你在我的生命出現，繼續追你的夢，那邊見。」照片中可見方大同在書上寫下：「To Christine and Ying Ying，Enjoy the book！」，並在旁邊簽名。帖文發佈後，不少網民紛紛留言表示：「點解有咁好嘅天使，對陌生人好、對動物好、無脾氣，一心愛音樂」、「你好幸福哦！被大同有心記住」、「覆診都肯幫人簽名，好好人」，另外因方大同15年前曾出現「爆肺」，俗稱氣胸而數次入醫院，再加上他與醫護人員關係良好，故有網民猜測他可能多年前已身體不佳：「原來佢係病左咁多年！15個時個con已經病左？」、「係咪個時已經病啦」。