唐安麒紅隧口廣告招「惡意攻擊」！ 高EQ回應非靠樣搵食發放正能量
發佈時間：11:30 2025-03-06 HKT
有「瘦身教主」之稱的名人唐安麒Dr. Angel，創立美顏瘦身專門店逾30年，成為香港美容界龍頭。唐安麒近年又涉獵演藝界，出任《ACE TALENT（ACE演藝模特大賽）》大賽首席執行官，發掘演藝及模特新世代人才。唐安麒近來在社交媒體出片派金句，吸引不少網民注意，日前卻有網民在Threads展示唐安麒的近照，並對比ANGEL FACE多年來在紅隧口的廣告，指廣告中的唐安麒照片屬「照騙」：「日日經紅隧都見到依條女，十幾年都係咁嘅樣」，又標籤唐安麒。
唐安麒回應「照騙」
該帖文公開後，不少網民指發文者是「網絡流氓」，非常無聊兼「惡意攻擊」：「你用人哋十幾年前張相同而家比較，你接受唔到咪唔好接受囉！」、「人總會老，你唔會老嘅咩？」而作為當事人的唐安麒，對網民批評就以高EQ化解，獲不少人大讚搞笑又「好嘢」。
唐安麒對網民評頭論足，回覆《東周刊》時表示，自己是在公司法律部同事告知下才獲悉：「我都唔知發生乜嘢事，係法律部同事同我講：『要做嘢啦，呢啲內容告硬嘅！』我先知道呢件事，不過我叫同事唔使做嘢，可能係嗰位網民壓力大，搵啲無辜嘅人鬧下發洩吓嘅啫。」
相關閱讀：徐榮9歲女讀星級韓國偶像學院！「包包」徐心怡跳K-POP奪冠 將代表香港出國表演
唐安麒博士高EQ化解「惡意攻擊」：
唐安麒平時有留意AI的相關動向，又會發文分享推介好用的人工智能Apps，因此親自留言時有提醒網民：「所以我親自去留言，亦同時提醒嗰位網民，叫佢自己用AI查吓佢嘅言行有乜嘢問題。」唐安麒回覆網民的帖文時，展現高EQ一面：「我諗你用『依條女』形容我，真係抬舉咗。如果我好命18歲生仔嘅話，我個仔又18歲生仔嘅話，我個孫都可以20幾歲啦，所以用『依條婆』嚟形容我會好啲。」
相關閱讀：方力申唐詩詠林保怡榮獲韓國ACE FACE大獎 NY鍾諾言奪ACE TALENT 冠軍出戰韓國
唐安麒肖像做「招牌」
唐安麒稱自己並非靠樣搵食：「我好多年前已經講，呢張相，係我最後一次會出現在招牌上嘅相，因為我唔係靠個『樣』搵食做招牌，係靠個『朵』。如果我靠個樣搵食，就可能冇飯食，唔可以屹立喺香港快40年㗎！我唔換相個邏輯，就係好似麥當勞叔叔同肯德基爺爺丶𤦍夫人咁，呢個就係嘜頭嚟㗎啦。」
相關閱讀：頭條獨家丨唐安麒收購同業店舖助渡難關 疫情令生意損失過千萬
唐安麒從不騙人
唐安麒坦言自己從不騙人：「另外你可以話我『醜』話我『老』，但係用『世紀大XX』嚟形容就會有好大問題，我建議你用你嘅題目，用AI查吓，ChatGPT又得，我最近鍾意用Grok，睇吓你呢條題目，有機會構成甚麼樣的罪行。因為我個『朵』屹立到咁耐，就係因為我唔騙人丶唔呃人㗎！好多美容行業手法不良，但係唔劈客、唔硬銷丶服務好，係我喺行業生存之道。我估你可能係壓力好大，搵啲無辜嘅人嚟鬧吓丶發洩吓嘅啫，歡迎你睇吓我嘅Threads同埋IG，我發放好多正能量文章㗎，希望可以幫你舒緩到啦。」
相關閱讀：吳文忻培育女兒K-Pop上位之路 成功入讀YS韓國偶像學院
YS韓國偶像學院培育演藝人才：
有網民也有唐安麒發聲，指她早已表明50歲後開始增肥，又展示唐安麒曾經公開「要靚定要瘦」短片，當時大談瘦身要視乎年紀，如不想臉容憔悴，寧願要靚不要瘦，在刻意增肥下，令面龐飽滿，顯得精神。網民還轉載唐安麒日前舉行粉絲會的照片，大讚近照靚過紅隧口的廣告舊照。
唐安麒建議用Grok分析結果
唐安麒建議用Grok為題目，有機會構成甚麼樣的罪行，就以網民的帖文嘗試在Grok分析，結果顯示：「根據香港法例，呢段文字真係有機會構成誹謗（defamation），而且如果內容無事實根據，亦可能被視為失實陳述。」當中所用的個別字眼是嚴重指控：「如果無任何事實支持（例如無法庭判決、無警方調查、無可靠新聞報道），咁呢個指控就係失實嘅。喺誹謗案中，如果被告（發帖人）無法證明陳述係真（truth）或有合理根據（justification），佢就要負上法律責任。」
