鄧麗欣演唱會｜Stephy曾被嘲「鄧走音」 樂壇判官周啟生評表現有弦外之音：《音準》完全冇問題
發佈時間：15:00 2025-03-16 HKT
鄧麗欣（Stephy）在紅館舉行一連三場《STEP by STEPHY鄧麗欣紅館演唱會2025》本月14日正式開騷，而鄧麗欣演唱會今晚亦將舉行尾場。頭兩場的Stephy演唱會，在網上引起不少迴響，現場片段大量在網上瘋傳。有「樂壇判官」之稱的資深音樂人周啟生（Dominic）亦有轉發鄧麗欣演唱會片段並留言點評。
鄧麗欣演唱會｜Stephy初出道現場演唱走音被嘲多年
現年41歲的鄧麗欣出道至今逾20年，由於出道早期音準不穩，曾在演唱時走音，因而被網民笑指是「鄧走音」。事隔多年，鄧麗欣已多年沒有出個人新專輯，專注電視及電影拍攝工作，今次舉行首個紅館演唱會，不少人都相當期待其歌藝是否突飛猛進。
相關閱讀：鄧麗欣演唱會｜紅館騷開鑼閃石肚兜裝辣爆 群星撐場劉德華張學友贈花籃 男友低調神隱
周啟生昨晚在社交平台轉發鄧麗欣演唱會片段時留言說：「一個唱歌「水平/技巧」高，《音準》完全冇問題嘅歌手，佢嘅歌迷都係一定有返咁上下質素！忍唔住，要讚一句，Bravo！唔該like/share我個post，然後開始comment。就算唔comment都可以share個喎！哈哈大笑」其後他更在帖文留言區說：「身材性感惹火」、「唔comment都可以share個喎！哈哈大笑」有網民問周啟生：「你是否講反話」周啟生本人未有回應，但有網民回覆留言說：「一向都係」
鄧麗欣演唱會｜周啟生：唔好只係講情意結
而在發帖兩小時後，周啟生又再留言說：「每一個人嘅成長，唔同嘅時代背景，一條一條唔同嘅timeline……..身邊背後都孕育着一個時代嘅印記，我四歲開始聽披頭四，7，8歲就睇無綫電視黑白嘅Star show,跟住我睇日本劇集，女校男生，柔道龍虎榜…等等等等。70年代Led Zeppelin, Deep Purple, Emerson Lake and Palmer, Iron Maiden….感恩，將我養育成人，將我熏陶嘅全部都係數唔晒咁多好音樂。我有感而發，其實無論你出生喺任何年代，你都有權選擇，尤其係互聯網發達嘅今日，我哋要聽上個世紀嘅歌都只不過喺彈指之間。希望大家唔好只係講情意結，就算要講都唔好變成全部，我鍾意食雲吞麵係永遠唔會改變，亦都唔可以改變我明白呢個世界仲有好多有益而好好食嘅嘢！」
相關閱讀：鄧麗欣演唱會2025｜Stephy變性感舞孃鋼上起舞露神秘三角 林峯登場掀高潮
鄧麗欣演唱會｜Stephy演唱會表現網民意見不一
其後有不少人留言表達意見，有網民說：「一直很藐呢位小姐，靚又唔係特別靚，只是比普通學生妹好少少，唱歌更....藐咗咁多年，最近見一個網民的意見，深有同感，突然釋懷，仲偶然會哼下《電燈膽》㖭，該網民的意見是：歌藝係冇，走音係多，似某孖妹，似賣樣多，但.....有D歌總係佢唱至有feel，甚至好聽。」亦有網民支持周啟生言論表示：「只係藝人，一直冇當過佢係歌手，總之有個口，識得出聲，樣子不錯有運氣就可以上台了 ，又有人鍾意聽喎嗰吓先至笑，百貨應百客。」
鄧麗欣在2000年時參加「全港校花校草選舉」奪冠，其後被模特兒公司Talent Bang看中簽約成為公司旗下模特兒。及至2002年，她以九人女子組合Cookies成員身份出道，翌年Cookies變成只有4人的Mini Cookies。直至2005年，鄧麗欣單飛出道開始推出新歌。「鄧走音」事件來自於2007年推出的主打歌《電燈膽》，但當時她在《勁歌金曲．優秀選》中的現場演唱表現失準而被網民改的花名。
