蕭正楠首貼父子相表情成焦點預告呢種生活越嚟越遠：感覺有啲迷幻

即時娛樂

更新時間：18:00 2025-04-06 HKT
發佈時間：18:00 2025-04-06 HKT

黃翠如在蕭正楠48歲生日當天宣布兒子已經出世了，榮升做父母的黃翠如和蕭正楠不時在IG貼上一家三口相片，溫馨滿瀉。

蕭正楠貼上多張殘爆湊仔相

今日（6日）蕭正楠在IG貼上多張湊仔相，雖然蕭正楠面容攰爆，不過狀態依然有亢奮，他笑言為了兒子隨時向「打機睇動漫嘅日子」告別，但他說：「只要望見小兒子，一切都是值得。」

相關閱讀：黃翠如蕭正楠BB已出世？劉江誤爆響口日前已經「卸貨」：大家都知道㗎

蕭正楠晒殘爆湊仔相：

蕭正楠曾專登抽空上育嬰班

新手爸爸蕭正楠為了迎接小生命的來臨，除了將工作步伐放慢外，還專登抽空上育嬰班，希望分擔老婆湊B工作，他曾分享上堂過程，由幫BB沖涼、餵奶後掃風手勢：「見習爸爸準備中，有咩錯漏請包涵。」雖然當時蕭正楠的表現「姊手姊腳」，不過認真投入已經贏晒分。

蕭正楠隨時告別打機睇動漫日子

今日蕭正楠貼上多張父子合照並說：「可能經常唔夠瞓嘅關係，感覺有啲迷幻，有時啱啱忙完一輪，想坐低睇一陣，我獨自升級，跟住就會有人將個喊緊嘅BB交俾你，然後你會發現，你已經升級咗做爸爸。能力越大，責任越大，可能打機睇動漫嘅日子，已經離我越嚟越遠⋯⋯但只要望見小兒子，一切都是值得。」不少圈中好友力撐，當中區永權說：「幾時有得抱吓？你知我父愛氾濫㗎嘛，而家好手痕呀！」陳自瑤說：「爸爸，你笑到見牙唔見眼。」陳煒說：「好溫馨呀，幾辛苦都值得啦。」胡定欣亦說：「呢個畫面好溫馨，好爸爸！」

相關閱讀：黃翠如蕭正楠帶初生BB出巡剖腹產子後狀態首曝光感謝接生美女醫生好有愛