影帝張家輝1分鐘「教仔片」瘋傳 狂爆金句勸粉絲勿做極端行為 苦口婆心獲激讚
發佈時間：15:30 2025-04-11 HKT
60歲兩屆金像影帝張家輝，其自導自演的第四部作品《贖夢》現正上映，由開畫至今他極落力於網上和做謝票宣傳，希望新片有更好成績。昨日（10日）在社交平台流出一段張家輝向粉絲訓話的片段，原來有粉絲要求簽名和合照，未能成功就發狂做極端行為，張家輝立即教師上身，苦口婆心狂爆金句，軟硬兼施向他訓話1分鐘，事後被網民一面倒激讚，認為他真正做到明星該做的事，確實有影帝風範。
張家輝宣傳後遭粉絲包圍
網民上傳的影片背景較暗，但仍看得出主人翁是張家輝，估計是張家輝宣傳電影之後離開上七人車，可能因為時間緊迫而未能替Fans簽名和合照，但粉絲們仍一窩蜂擁到張家輝面前，期望偶像可以改變主意。
相關閱讀：贖夢丨張家輝回看演出落淚 陳法拉挑戰拗腰180度「慘死」 靠食龍眼補力
張家輝訓話粉絲顯影帝風範：
張家輝指「冇嘢係一定」
之後張家輝就開始向一名粉絲訓話：「有時做我可能真係簽唔到名，拍唔到照，你唔可以唔接受呢啲情況，即係我每次都要同你去做晒所有嘢先咩，你支持我我好多謝你，但你每次好極端咁，我一定要咁我一定要咁，又唔可以一定，你咁大個仔，出嚟社會經歷好多嘢，都係需要有啲唔係一定，係咪呀？」
張家輝指「大個仔唔可以咁」
粉絲此時想反駁，張家輝立即再說︰「我知呀，如果有啲時候我真係簽唔到，你唔好咁極端，知唔知道呀！知唔知？我唔想聽你嗰啲你睇過我咩嘢，我要你知道你自己咁大個仔，唔好咁樣，知唔知呀！人哋話做唔到你啲嘢，你就發狂，唔可以咁樣㗎嘛！我哋喺社會做嘢，成日都會碰到一啲唔如意嘅事，唔可以一啲唔如意嘅嘢，我哋自己就呀呀呀（發狂大叫），咁樣唔得㗎，係嗎？明唔明白呀？」
相關閱讀：60歲拒出軌論男星被打臉？與一索女情侶裝挽手互動親密 結婚22年封演藝圈清流
60歲兩屆金像影帝淪「港鐵流浪漢」？
張家輝要粉絲答明白才簽名
張家輝講完後再三問這名粉絲是吾明白，答明白才肯幫他簽名。之後該名粉絲似又再有怨言，家輝再次出聲︰「你唔好嘈，我簽咗就係㗎喇，好冇，記住唔好咁樣，知唔知！」該名粉絲最後都有「乖乖哋」，表示「唔該晒」。
張家輝激動訓話獲讚三觀正
雖然張家輝這次教訓粉絲，語氣有點激動並不完全友善，不過於網上卻得到一面倒的正面迴響，有網民就指「其實好少人願意為着對方的好處講啲真實嘅話，更何況係一位明星，同一個完全唔識嘅fans。其實滿足個fans ，幫佢簽個名，影張相幾秒鐘啫，但係家輝哥選擇藉着呢個機會勸解一個年青人，教佢社會上嘅道理，或者可能佢之後會受到更大嘅挫折。佢講得好動情，好激動，因為比起多唔多fans鍾意佢黎講，佢着緊幫助個人多啲。靚仔、 演技好、有才華嘅明星周街都係，數都數唔清，但係價值觀咁端正，又真心着緊人嘅明星真係唔多⋯」、「這才是值得讓人追隨的明星，三觀正，會將正確的價值觀傳授給喜愛他的粉絲，而不是縱容」。
相關閱讀：60歲兩屆金像影帝淪「港鐵流浪漢」？ 披頭散髮照瘋傳 電視台大茄做起變影壇一哥
