謝霆鋒演唱會2025｜謝霆鋒預告「愛將」輪流登場 Gucci獨家打造全球獨一無二戰衣

更新時間：18:00 2025-04-22 HKT
發佈時間：18:00 2025-04-22 HKT

謝霆鋒的《Evolution Nic Live進化演唱會》進入倒數階段，將於周四（24日）將強勢登陸啟德主場館，謝霆鋒除了是首位於啟德主場館開個唱的歌手，連意大利時尚品牌Gucci亦專登為謝霆鋒專屬訂製了兩款全球獨一無二的結他皮帶及接收器的皮套。

Gucci為謝霆鋒訂製皮帶及皮套配合rock爆風格

設計共有兩款：一款係經典黑色牛皮革以窩釘綴飾，配合霆鋒rock爆風格；另一款則是用上時尚牛仔布面料配皮革並飾以窩釘，街頭味十足。

謝霆鋒預告「愛將」輪流登場：

謝霆鋒預告演唱會「愛將」輪流上陣

日前謝霆鋒拍攝開箱片跟大家分享，又預告演唱會會帶齊幾支「愛將」結他，輪流上陣，「我諗我成個演唱會最貼身嘅都未必係結他帶，因為我有好幾支結他會用，所以都會換結他帶。但係最貼身一定係呢一樣嘢，就係耳機接收器，而呢個接收器係需要一個袋，因為呢樣嘢冇得再換。因為喺我側邊嘅band，無論我自己，或者係Carl叔叔（王雙駿）嘅bass，我哋都係移動，所以我哋係好少插線。因為Gucci無呢樣產品，所以今次可以特登幫我做呢樣嘢，好開心。」

謝霆鋒歌迷瘋狂發起「全港包圍式」應援

今次是謝霆鋒相隔25年再開個唱，歌迷瘋狂發起「全港包圍式」應援，由巨型LED屏幕、電車到雪糕車，實行全面攻陷港九，歌迷豪氣包下全港六塊地標級戶外大型屏幕，包括銅鑼灣SOGO外牆全港最大，像素最高的全高清LED屏幕，以及銅鑼灣勿地臣街、尖沙咀重慶大廈、加拿芬道、旺角亞皆老街及啟德Airside等黃金地段廣告位，還包起六架電車，車身印上謝霆鋒型相與及將他的經典歌名印滿車身打造成「霆鋒號」。在演唱會首場（24日）、第三場（26日）及尾場（27日）下午一至四時，，歌迷更特別安排雪糕車，於銅鑼灣SOGO大屏幕附近免費派發軟雪糕，完美配合謝霆鋒「廚神」形象。

↓立即下載星島頭條App↓