TVB金牌惡人因羅樂林嫁女改變星途 無厘頭獲影圈猛人關照北上發展撈得掂
發佈時間：23:00 2025-04-23 HKT
入行34年、現年54歲的林敬剛出道來演出過不少惡人角色，曾被網民封為「TVB御用惡人」，不過近年林敬剛北上發展，參演內地電影《創業大贏家》時，他又跪地向萬梓良拜師，並獲賜名為「林犇」，成為周星馳、林家棟和姜皓文之後，萬梓良第四名徒弟。
林敬剛早年被爆升呢「陳皮大王」
林敬剛除了拍戲、登台外，早年被爆已升呢「陳皮大王」，在家鄉新會開設佔地200畝的大果園，主要出產柑果。其後「踩過界」撈埋飲食業，在江門市新會區開設「師兄排骨」，對於被指為「陳皮大王」，林敬剛坦言：「講真，如果真係有咁大果園，仲拍乜鬼嘢戲。」
相關閱讀：萬梓良徒弟被捕獲 曾下跪拜師獲錫名「犇」 北上發展飲食王國勁開5分店
林敬剛被稱御用惡人：
林敬剛鍾意做反派因自由度大
林敬剛早前接受演藝人協會的YouTube頻道的訪問，對於被稱為「TVB御用惡人」，林敬剛說：「咁係咪代表我成功？我拍嘢好多時都係做警察又或者壞人，曾經有一套做過醫生，但都係整容醫生。我覺得反派幾好做，畀我揀我鍾意做反派，自由度大好多，大奸大惡點做都得， 觀眾認同，又或者有導演認同先有呢個稱號 。」林敬剛還有一個身份，就是萬梓良的徒弟，原來背後又有一段故，他說：「有一年嘅春茗，萬梓良好似同藝員科 嘅趙生有啲嘢傾，嗰晚趙生帶埋佢嚟食飯，嗰陣我仲後生，佢又飲得下，經理人帶我哋去打個招呼，飲返杯酒。」
林敬剛拜萬梓良為師有段故
直到羅樂林嫁女，林敬剛再遇見萬梓良：「我哋跟住去咗個party，佢無厘頭咁拎杯酒，嗰陣仲一個前輩級嘅女藝人， 佢（萬梓良）叫我跪低，嗰個前輩級女藝人點點頭，咁我咪跪低，萬梓良就話：『我而家收你做徒弟。』我嗰刻都打咗個突，諗住佢飲大咗就算數。」直到疫情爆發，林敬剛在內地拍了一套網絡電影，想不到開機時竟然用了「拜師」做綽頭，他說：「我都唔知，點知呢個拜師儀式都幫到我，喺內地嗰兩年嘅發展，尤其係嗰單新聞出咗之後，爆得好緊要，都幫到。」
相關新聞：TVB綠葉王林敬剛拓展飲食王國開餐廳 內地經營200畝果園升呢「陳皮大王」
林敬剛飲食王國越撈越掂：
林敬剛唔認升呢做陳皮大王
林敬剛因為在內地經營200畝果園，而升呢做陳皮大王，林敬剛說：「嗰陣我識咗個台山人，佢知道我本來係新會人，不過因為阿爺阿嫲走難去咗肇慶，所以而家好多親人喺肇慶，新會係冇親人，咁嗰個台山朋友就話帶我去尋根。之後有朋友叫我參觀一下陳皮同拍返啲嘢，咁疫情冇乜嘢捐搞，咪搞吓呢啲，點知拍咗條片就畀人叫陳皮大王，講真 ，如果真係有咁大個果園，仲使乜拍戲？而家我等緊內地嘅工作，而家嘅大方向都比較辛苦啲，電視又好，電影都好，希望大家努力喇。」
林敬剛受《新紮師兄》影響投考警察
林敬剛出道前受經典劇《新紮師兄》影響，中三畢業後投考香港警察少年訓練學校，未料訓練前遇上將開拍電影《壯志雄心》的李修賢，他最終當了一個月警察便辭職，並加入李修賢旗下「萬能影業公司」。林敬剛當時身兼演員、場務、場記、助理製片、製片及副導演，直到1990年才演出首部電影《摩登襯家》。其後，林敬剛於1994年，開始簽約TVB成為旗下藝人，翌年憑劇集《O記實錄》飾演「葉輝」一角色嶄露頭角，之後拍過《狀王宋世傑（貳）》、《智勇新警界》、《滙通天下》及《鐵探》等劇集。
