內地醫療水準提升收費平 吸引力大增 香港人北上花50萬治癒直腸癌
發佈時間：07:00 2023-10-31
全面通關後，香港人熱衷北上消費，吃喝玩樂之外，亦有人北上治病，皆因內地醫療費用較本港低廉。隨著內地醫療水平提高，有香港人即使無法享用內地人的醫保，但仍選擇到內地的三甲醫院，付全費醫治癌症，有個案最終治癒直腸癌，埋單約需50萬港元，比在港治療便宜150多萬元。
癌友在港醫花費210萬
現年65歲的羅先生，2019年身體不適，在本地求診，當時醫生安排他接受身體檢查，但排期很長，「做完成套檢查，話要成三個月，好多朋友都建議我返內地睇，話病痛可大可小，唔可以拖延。」在親戚推介下，他到廣東省三甲醫院、東莞市人民醫院就診，「醫生都係安排先做身體檢查，包括驗血、電腦斷層掃描檢查（CT）等，好快3日就出咗結果，結果驗出我患直腸癌。」羅先生正感徬徨之際，「東莞親戚話，呢間醫院醫療水平唔錯，當時仲有一個癌症專家駐院，可以安排佢為我醫病，所以就決定留低醫。」
其後4年，期間遇上新冠疫情，羅先生有3年時間常住在東莞，接受手術及化療，最終戰勝癌症。他笑說：「我依家基本好返喇，明年2月再去醫院驗一次血，如果冇事，以後就唔洗覆診！」他說，4年下來，治癌費用合共約47萬元人民幣（約50.2萬港元），「同期我有一個朋友都患直腸癌，佢留喺香港醫治，雖然都醫好，但用咗210萬港元。」此外，內地居民有買內地醫保，一旦患病尋求治療，政府會支付約4至5成醫療使費，即使羅先生以港人身份北上求醫，並無內地醫保，須付全費，但他回復健康，仍覺物有所值。
中華醫學會副會長、家庭醫生楊超發接受本報查詢時說，今年恢復通關之後，多了港人到內地醫院做身體檢查，估計主要因兩地醫療費用相差大，內地醫療不但便宜，近年水平更提升，令市民覺得可靠，「例如超聲波檢查，內地收費只係幾百元，香港要幾千元，相差成10倍。」
關嘉美：建議選三甲醫院
不過，楊指出，內地整體醫療水平有所提升，但水平參差，他今年接獲一些個案，約7名香港病人到內地醫院檢查，發現「有腫瘤」，但其實結果有誤，他舉其中一個例子：「一、兩個月前，有位四、五十歲嘅女士肚痛搵我求醫，我叫佢要照一照做檢查，佢之後北上內地做超聲波，取份報告回來搵我跟進，話照到個肝有腫瘤，但我睇過病徵，發現是胃痛導致肚痛，個肝冇事。」楊續指，上述7位病人都係虛驚一場，但他憂慮的是，「最怕是有事被當係冇事，如果港人在內地檢查話冇嘢，會放低戒心，最後延誤病情。」而家庭醫生關嘉美指，不時有港人北上檢查身體，例如內地驗血，費用可低至香港的五分之一，但建議盡量選擇三甲醫院。
