公屋加租︱街坊呻生活艱難：現時樣樣嘢都貴 議員指加幅合理
發佈時間：16:45 2024-07-08
香港房屋委員會今日（8日）公布最新公屋租金檢討結果，今年公屋租金將加幅至10%，今年10月起實施，但同時寬免首3個月加幅。有市民擔憂或會年年加租，認為對基層負擔太大。
對於公屋加租10%，居於沙田沙角邨的關生和關太認為升幅太大，「現時樣樣嘢都貴，仲向市民開刀，唔啱囉」。關太亦表示，加租對基層負擔大「加租後租金佔收入3至4成」，更擔心會年年加租「人工又冇得年年加」。居住一人單位87歲的游婆婆亦表示，加幅太多負擔大，直言「老人家冇嘢做，邊有咁多錢」。
相關新聞：公屋10月起加租10% 寬免首3個月加幅 平均每戶每月加約230元 何永賢：可負擔水平
公屋加租︱平均每戶加230元 陳學鋒：加幅溫和 應不會帶來過大負擔
市民李女士：租金加小朋友花費 已佔收入一半
李女士亦不贊成加租，稱對基層負擔大，2100元租金加上小朋友的花費已佔收入一半，現時亦有不少人失業，市道不好再加租未必能負擔。
李女士表示加租不是時候「加都唔應該喺而家經濟低迷情況下加」。對於寬免3個月，她則認為不足夠「條邨咁多長者，起碼要寬免半年」。李女士表示現時租金再加一成租，即加了約230元，而水電費亦相繼加價就變相「樣樣都要節省開支」。
一家四口的黃女士收入只有約11,000元，認為加一成租金升幅太高，「1,700蚊租即係差唔多要加200蚊」，又指寬免對減輕負擔沒有太大作用，「加咗就係加咗，寬免幾多都無用」。她稱生活已很吃力，本月小朋友生病已花費1000元，「平時已慳得就慳，小朋友本身都無乜上補習班和興趣班」。黃女士認為政府加租也要適度，「加少少我哋都接受，或者低收入家庭再俾多啲資助」。
民建聯立法會議員陳學鋒表示，約6成租戶加租少於250元，以現時公屋戶平均每月租金約2,300元推算，平均每戶每月加租約230元，認為情況尚算合理，相信加幅溫和不會為租戶帶來過大負擔。
記者 翁嘉琳
