晨光追擊│「安騁」力足捧盃

更新時間：15:34 2024-11-02
發佈時間：15:34 2024-11-02

雖然蔡約翰上季幾乎用了整季時間回氣，埋單贏五十場排第七位，但蔡神仙今季初仲係比較慢熱，目前只得三場頭馬，然而終於踏入十一月，相信好多蔡廄馬將會展現最佳一面，而看今次出馬不少，預期攻勢將會展開。

但求開心補中可期

第五場第四班一四○○米：「但求開心」出自馬會拍賣會，並非出於名門望族，身價不太高，上仗初出自然備受冷落，誰不知表現極出色。事實上之前看其試閘表現，已顯示是鬥心不俗之輩，今季試了三課閘，首課表現平平，去到最後兩課均勝出，而兩課閘走位都係3-3-1，課課試來有前有後。

「但求開心」上仗排九檔，故梁家俊選擇留後跑，沿途一直守在內欄，入到直路唔例外，由於步速太慢了，馬群未能拉散，以致「但求開心」大半程塞車，四百米至二百五十米困了一次，之後不久又困過，直至去到最後五十米才再望空，如此情況仍追入Q實在犀利。最近試多課閘，大隻仔收身更上力，最重要落在較弱一組，得以避開「觀天下」，補中可期。

「但求開心」最近試多課閘，大隻仔收身更上力，最重要落在較弱一組，得以避開「觀天下」，補中可期。

安騁孭磅輕飄飄

第七場三級賽一八○○米：「安騁」上季首六仗獲三冠一亞一季，其中出爭香港經典盃拼獲季軍，挫敗牠的「驕陽明駒」與「禪勝輝煌」俱已突破一百分。「安騁」戰罷香港經典盃之後，強勢進軍打吡，可惜同香港經典盃一樣排十二檔，以致沿途望空，也因為耗力太多慘敗，該仗後更提早唞暑。

「安騁」跑完打吡曾缺課個多月，但並無發現傷患紀錄，而五月重新操練以來，一直維持正常工夫，踏入今季更積極，上仗出賽前試了三課大閘，所以上仗休近復出照熱捧，但始終太耐無跑，而且未熱身即跑二千太高難度，三甲不入唔介意，相對只負半個馬位已收貨。「安騁」已開氣今戰弗得多，計馬能力不遜任何對手，仲要孭磅輕飄飄，力足捧盃。