內圈捕影│「信心星」火氣旺盛
更新時間：18:17 2025-02-26 HKT
發佈時間：18:17 2025-02-26 HKT
發佈時間：18:17 2025-02-26 HKT
字體大小
不少馬匹今朝到內圈輕舒步頭，甚多精彩場面，現將操練報導如下。
「信心星」助手踱兩圈，神情專注目光如炬，身靚全身都係肌肉，神色活躍火氣旺盛，打仔馬長期呈勇。「鑽石星空」助手踱一圈，力度依然充沛，馬身好實淨毛色又靚，神采奕奕目光銳利，長期在爭勝水平。
「正氣青驅」助手踱一圈，步伐穩健力度保持，馬身依舊咁靚，毛色油潤有光澤，朝氣勃勃有進無退。「精彩動力」黃智弘踱兩圈，輕描淡寫完成，步履輕盈又夠爽勁，大半程岳高頭走，充滿朝氣精神爽利。
「恒之有道」助手踱一圈，淡淡定唔急唔搶，步姿爽朗彈力亦足，細馬身夠結實，進度相當理想。「鴻圖新星」助手踱一圈，唔急唔搶氣定神閒，馬身好實淨，暗火展現雙目有神，單講狀態一直見好。
「天下寵兒」助手踱一圈，愈見收斂試得乖巧，走勢硬朗步挺開揚，馬身札實神態又好，持續進步。「八仟財陞」助手踱一圈，快慢由人姿態順暢，神色馬身都對辦，力度既好展現朝氣，狀態愈磨愈利。
神速馬車火氣旺盛
「神速馬車」身靚毛色油潤，今季最弗一次。
「閃耀威龍」助手踱一圈，雙目有神朝氣勃勃，肌肉結實毛水鮮明潤澤，操足早前試閘，勇況未減半分。「神速馬車」助手踱一圈，沿途急步搶走，充滿競賽意欲火氣旺盛，身靚毛色油潤，今季最弗一次。
謝鋒
最Hit
76歲「綠葉王」竟老來添丁？高顏值「兒子」爆相處秘密 老竇曾豪贈2千萬物業予女兒
2025-02-25 20:30 HKT
李珊珊揭與錢嘉樂分手原因 想將百萬后冠送往博物館做集體回憶：唔通放喺棺材咩丨獨家
2025-02-25 07:00 HKT
