食好定唱好!? 小紅書熱棒深圳超豪K buffet 任玩4小時¥82/位起 有齊生蠔/小龍蝦/鐵板燒！
發佈時間：08:30 2024-06-18
近年香港的卡啦OK買少見少，不少港人都將「唱K」活動遷移深圳，放假就會約埋三五知己北上唱K！深圳的KTV除了地方比香港闊落之外，價錢更是超級抵，甚至可以邊唱邊食自助餐，CP值甚高，大受港人歡迎。最近有網民就於小紅書分享深圳一間人氣KTV「皇室派對KTV．環球美食自助餐」，其K buffet的食物種類選擇是超級豐富，可無限放題任食生蠔小龍蝦等海鮮，唱足食食4小時入場價更低至每位¥82，非常抵玩！
小紅書熱棒深圳超豪K buffet 任玩4小時¥82/位起
點擊睇深圳超豪K buffet「皇室派對」自助餐詳情+地址︰
這間獲小紅書網友力推的深圳KTV「皇室派對KTV．環球美食自助餐」，其實已開業12年，佔地2.5萬平方米，3層樓高合共有超過300間K房，主打一站式的美食及娛樂，深受內地人及港人歡迎。有網友更大讚KTV「裝潢就好似五星級酒店咁高級」，兼且房間款式選擇多，如生日房、酒吧房、全景房、商務房等，適合不同節目聚會，亦有二人小房間，同樣開揚寬敞。
網友亦大讚KTV的音響設備夠頂級，隔音效果亦很好，每間房都設有獨立廁所。加上歌單選擇非常新，許多流行曲亦可能揀，如《中國好聲音》系列、網路上的熱門歌等都搵得到，而且可以用微信點歌，相當方便，可以大膽盡情唱！
超豐富自助餐任食生蠔小龍蝦 人均低至每位¥82
KTV另一個吸引點就是K buffet，食物選擇同樣超豐富。有10個自助美食區，包括任食生蠔、小龍蝦、東風螺等海鮮，還有燒鴨滷鵝、鐵板燒、刺身、壽司、甜品、生果、沙律及飲品等。而近日歐洲盃開鑼，KTV更推出相關主題的美食節，加推20多款歐洲當地美食。從美團App搜尋「皇室派對」人頭價，任食任唱下午5時至9時的黃金檔，唱足4小時人均低至每位¥82，性價比夠高。
資料來源︰小紅書
皇室派對KTV．環球美食自助餐
-
地址︰深圳深南東路2001號鴻昌廣場2-5樓
-
交通︰深圳地鐵9號線文錦站D出口，步行220米
-
營業時間︰周五及周六4:30pm-5am、周一至周四及周日4:30pm-4:30am
延伸閱讀︰Neway通宵K隱藏菜單！$30食足5道菜 歎鵝肝牛柳/安格斯西冷/三文魚刺身
帖文一出，網民反應兩極，部分認為不錯，表示：「之前星期三做人頭費半價，我去九龍城，覺得食物質素同正常茶記差不多，唱成晚（不過歌係少）其實ok」、「Lunch K又係好抵 有飯有杯野飲 六七十蚊可以唱兩個半」、「Ok 喎，加埋食埋單幾錢位」，也有持相反意見的網民：「成三百蚊人頭費，仲要俾30蚊食，真係揾鬼唱，番大陸唱仲抵」、「見倒嗰刺身有啲驚」及「Neway點咩歌都冇」，另有部分網民更謂很久沒有去唱K，還以為卡拉OK場所「執晒」。
----
緊貼最新最快新聞資訊，請立即下載星島頭條App：https://bit.ly/3Q29Vow
