颱風小犬｜16歲仔背父離家買iPad套 行山路返家被困 回家後知錯認「有勇無謀」
發佈時間：20:47 2023-10-09
一名16歲姓吳少年昨日（9日）於鑽石山荷里活廣場購買iPad套後遇上九號風球，懷疑因沒有公共交通工具回家，企圖冒雨徒步返回大圍顯徑邨的寓所，但途中行到麥理浩徑第五段迷路，最終只能報警求助。吳父事後向《星島頭條》透露，指兒子是背住他外出購物，事後已經認錯，「最緊要人無事，如果電話收唔到或者無電就出事喇，佢自己都知今次係有勇無謀。」
涉事的16歲姓吳少年返回寓所後一直休息至今，身體沒有受傷，並無大礙。吳父向記者表示，昨日他要外出工作，初時以為兒子會留在家中避雨，詎料兒子背住他獨自乘港鐵由顯徑到鑽石山的荷里活廣場購買iPad套，「我哋呢度搭出去鑽石山一個站，佢諗住出一出去好快返，點知天文台突然掛九號（風球），無晒車，佢驚俾我發現，就諗住靠Google Map的指示，嗱嗱臨行返屋企」。
相關新聞：9號波無車回家 16歲仔跟Google Map 鑽石山徒步返顯徑時迷路
吳父指兒子是學校田徑隊成員，他知道Google Map的指示是要行上山，初時以為自己能夠應付，但行了一個多小時至畢架山附近一個亭時，發現落山的路非常陡峭，只好致電給他求助，「佢第一句就同我講:『我今次一定俾你鬧死啦』，我問佢喺邊，諗住揸架車去接佢，佢話佢kick住咗喺畢架山附近，落唔返嚟，盪失路」。吳父隨即叫兒子報警，大約1小時後消防鎖定其位置，並將他救回山腳，警察亦將他送回家。
少年回家後曾向父親檢討今次的事件，認為自己是有勇無謀，「佢都知自己錯，去到鑽石山知道無車返，但唔夠膽同我講，咪諗計偷返嚟，佢話嗰陣唔係好大雨，自己電話都有電，所以先至行…條路之前係無行過，佢知要上山，但無預計到落山要咁斜，好彩佢無死衝落嚟，如果唔係就慘」，相信今次事件兒子已吸取教訓。
吳父坦言兒子的手機突然無電或收不到訊號，事情的發展可能會180度轉變，發生悲劇，「佢身上無乜裝備，佢睇地圖以為行個零鐘就行到，大人知咩情況，但始終佢仲細個，如果早少少講，可能件事無去到咁差，不過鬧嚟無咩用，最緊要人無事」。
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
