Executive日記——萬般「帶得走」 亦能愛永留 嶺大研傢俬棺材 大膽又環保
KellyChu
2021-03-31 04:17
字體大小
有人話，萬般帶不走，但嶺南大學創業行動聯同社企「毋忘愛」，就研發咗一件「傢俬棺材」，變成帶得走嘅傢俬，創作大膽得嚟又環保。為咗推廣綠色殯葬，研發團隊設計出一套特製書架，部件可組合成書架，擺放雜物，擁有者離世後，家人可以將書架重新組改裝成棺材，安放用者遺體。
嶺大團隊研發嘅「傢俬棺材」，由可持續物料製成，原材料係嚟自北歐森林嘅優質樺木夾板和雲杉夾板，喺環保、強度和耐用性方面，如同木材原料一樣咁堅實。團隊於是按香港法例對火化棺木嘅限制，組裝出一個符合食環署要求嘅一對一棺木模型。
領導研發計劃嘅嶺大創業行動總監高永賢話，提出用嶄新方式保護環境，將傢俬重新組裝成棺材，再改善佢嘅功能和可用性，畀用家擁有一套可以終身使用嘅環保書架，別具意義。「毋忘愛」總幹事楊美蓉就希望鼓勵市民提前與家人作出臨終規劃，達至「善終」及促進長幼共融嘅目標。
Kelly Chu
嶺大團隊研發嘅「傢俬棺材」，由可持續物料製成，原材料係嚟自北歐森林嘅優質樺木夾板和雲杉夾板，喺環保、強度和耐用性方面，如同木材原料一樣咁堅實。團隊於是按香港法例對火化棺木嘅限制，組裝出一個符合食環署要求嘅一對一棺木模型。
領導研發計劃嘅嶺大創業行動總監高永賢話，提出用嶄新方式保護環境，將傢俬重新組裝成棺材，再改善佢嘅功能和可用性，畀用家擁有一套可以終身使用嘅環保書架，別具意義。「毋忘愛」總幹事楊美蓉就希望鼓勵市民提前與家人作出臨終規劃，達至「善終」及促進長幼共融嘅目標。
Kelly Chu
更多文章
