企業熱話——投訴雙方各執一詞 監警會會面釐清真相
Jacky哥
2021-10-29 04:19
字體大小
近排小弟身邊唔少老友都有追電視劇《監警最前線》，話呢套劇改編自真實投訴個案，題材同我哋日常生活息息相關，睇起上嚟寧舍投入！
聽晚播出嘅第三集，小弟聽講劇情仲精彩！今集講述喺調查一宗提款機失竊款項嘅案件中，一名女投訴人指控女警喺搜身時「濫用職權」，不必要咁要求佢除衫搜身，但女警就話只係進行一般搜身，並無要求投訴人除衫。呢宗投訴個案最棘手之處，係投訴人同被投訴人各執一詞。因為搜身時只得女投訴人同女警在場，即係冇人證；事後監警會觀察員到現場觀察投訴警察課搜證時，亦證實現場冇閉路電視。最後，在缺乏重要佐證的情況下，監警會決定透過「監警會會面」，分別會見投訴人同女警以進一步了解投訴個案。想知道成件事係點？聽晚記得坐定定追劇喇！
監警會會面 釐清事項助審核
監警會喺審核投訴警察課提交嘅投訴個案調查報告時，若果認為有需要，可以根據《監警會條例》第20條賦予嘅法定權力，進行「監警會會面」，同投訴人、被投訴人，又或者任何可以提供相關資料嘅人士會面，澄清事項，讓委員更加全面、深入、多角度咁了解投訴個案嘅證據同情況。喺兩層架構投訴警察制度下，投訴警察課維持調查嘅角色，而「監警會會面」係用作釐清投訴個案裡面一啲細節，協助委員作出公平、公正同更確切嘅判斷。
權衡可能性 得出確切結論
今集劇情帶出嘅另一個重點，係投訴機制以「權衡可能性」(Balance of probabilities)作為舉證門檻，不同於法庭嘅「毫無合理疑點」(Beyond reasonable doubt)。投訴警察課喺調查投訴個案，同埋監警會喺審核調查報告時，會聽晒投訴人同被投訴人嘅說法，仔細檢視所有證供同證據之後，再判斷邊一方嘅說法有更大可能成立，令到投訴個案得出一個更加確切嘅結論，還投訴人及被投訴人一個公道！
節目預告：
10月30日星期六晚上11點30分翡翠台（81台）播出，半小時劇集《監警最前線》。
Jacky哥
■監警會進行「監警會會面」，分別會見投訴人和被投訴人澄清事項，以更全面地了解投訴細節。 
■陳國邦與蔣祖曼分別飾演副秘書長和高級審核主任，演出入型入格。 
重溫上集內容
https://www.youtube.com/user/ipccchannel 
玩遊戲送小禮物
https://qrgo.page.link/68rWc
聽晚播出嘅第三集，小弟聽講劇情仲精彩！今集講述喺調查一宗提款機失竊款項嘅案件中，一名女投訴人指控女警喺搜身時「濫用職權」，不必要咁要求佢除衫搜身，但女警就話只係進行一般搜身，並無要求投訴人除衫。呢宗投訴個案最棘手之處，係投訴人同被投訴人各執一詞。因為搜身時只得女投訴人同女警在場，即係冇人證；事後監警會觀察員到現場觀察投訴警察課搜證時，亦證實現場冇閉路電視。最後，在缺乏重要佐證的情況下，監警會決定透過「監警會會面」，分別會見投訴人同女警以進一步了解投訴個案。想知道成件事係點？聽晚記得坐定定追劇喇！
監警會會面 釐清事項助審核
監警會喺審核投訴警察課提交嘅投訴個案調查報告時，若果認為有需要，可以根據《監警會條例》第20條賦予嘅法定權力，進行「監警會會面」，同投訴人、被投訴人，又或者任何可以提供相關資料嘅人士會面，澄清事項，讓委員更加全面、深入、多角度咁了解投訴個案嘅證據同情況。喺兩層架構投訴警察制度下，投訴警察課維持調查嘅角色，而「監警會會面」係用作釐清投訴個案裡面一啲細節，協助委員作出公平、公正同更確切嘅判斷。
權衡可能性 得出確切結論
今集劇情帶出嘅另一個重點，係投訴機制以「權衡可能性」(Balance of probabilities)作為舉證門檻，不同於法庭嘅「毫無合理疑點」(Beyond reasonable doubt)。投訴警察課喺調查投訴個案，同埋監警會喺審核調查報告時，會聽晒投訴人同被投訴人嘅說法，仔細檢視所有證供同證據之後，再判斷邊一方嘅說法有更大可能成立，令到投訴個案得出一個更加確切嘅結論，還投訴人及被投訴人一個公道！
節目預告：
10月30日星期六晚上11點30分翡翠台（81台）播出，半小時劇集《監警最前線》。
Jacky哥
更多文章
