Executive日記——機管局無人駕駛巡邏車 不論陰晴照樣執勤
KellyChu
2021-11-03 04:18
字體大小
無人車係大趨勢，機管局喺九月起就使用無人駕駛嘅巡邏車，喺機場跑道禁區內巡邏，屬全球首個機場咁安排！機場運行副總監姚兆聰話，巡邏車每五分鐘經過同一位置，充一次電運行至少十六小時，喺惡劣嘅風吹雨打天氣下，都照樣執勤。
機管局喺一八年開始研究無人駕駛系統，除咗早前喺今年第二季投入服務嘅無人駕駛貨物拖車，目前購入四輛無人駕駛巡邏車，兩架已投入服務，主要在南跑道巡邏，防止有人闖進禁區，另外兩部十二月會投入運作，專門巡邏北環路。
近年機場維修區成為打卡熱點，不少人會去影相同埋睇日落。姚兆聰話，好多人影婚紗相、畢業相，其實唔理想，會作出驅趕。佢解釋，因為相關地點保安十分重要，好近跑道，唔想有人跳入嚟先知。
Kelly Chu
機管局喺一八年開始研究無人駕駛系統，除咗早前喺今年第二季投入服務嘅無人駕駛貨物拖車，目前購入四輛無人駕駛巡邏車，兩架已投入服務，主要在南跑道巡邏，防止有人闖進禁區，另外兩部十二月會投入運作，專門巡邏北環路。
近年機場維修區成為打卡熱點，不少人會去影相同埋睇日落。姚兆聰話，好多人影婚紗相、畢業相，其實唔理想，會作出驅趕。佢解釋，因為相關地點保安十分重要，好近跑道，唔想有人跳入嚟先知。
Kelly Chu
更多文章
