Executive日記——聘退休員工傳承廚藝 詠藜園鼓勵後生仔 打本百萬做新店小股東
KellyChu
2021-11-06 04:17
字體大小
無論喺邊一個行業，承傳都非常重要。Kelly得知，獲米芝蓮推介嘅老店「詠藜園四川擔擔麵」東主楊太，欣賞年僅二十八歲嘅員工勤奮工作四年，竟然打本一百萬元畀對方，成為品牌旗下兩間新店嘅小股東兼總經理。退休員工亦獲聘用，成為新店顧問，同心將廚藝承傳落去。
年僅二十八歲嘅張偉強（阿Ken），喺四年前加入位於黃埔嘅「詠藜園」，由樓面、傳菜，再做到品質管控、採購等，佢坦言每日返工十幾個鐘，都好辛苦，好彩成功堅持落去。就喺依份堅持及勤奮，令阿Ken得到東主楊太賞識，獲對方打本一百萬元，成為兩間新店嘅小股東兼總經理。
阿Ken話，雖然剛入職不久已經知道楊太有意提攜新人，但當時始終經驗未夠，直到楊太近期喺觀塘裕民坊開設兩間新店，「千歲擔擔麵」及「蒸益求蒸」，佢終迎來最佳時機，同時亦非常感謝楊太嘅信任及鼓勵。
「蒸益求蒸」顧名思義喺以中式蒸品為賣點嘅健康食店。阿Ken指，「蒸益求蒸」好歡迎有才能嘅年輕人加入，至於「千歲擔擔麵」就主要承傳「詠藜園」嘅招牌四川擔擔麵，唔少退休員工被返聘成為顧問，形容員工加埋成千歲。
面對管理兩間新店嘅壓力，阿Ken話營運初期都感到吃力，但好彩裕民坊嘅人流好好，兩間新店目前試業期間都幾火爆，運作亦逐漸順暢。佢提及，兩間新店將於下星期二（九日），正式開幕，歡迎大家前來品嚐！
Kelly Chu
年僅二十八歲嘅張偉強（阿Ken），喺四年前加入位於黃埔嘅「詠藜園」，由樓面、傳菜，再做到品質管控、採購等，佢坦言每日返工十幾個鐘，都好辛苦，好彩成功堅持落去。就喺依份堅持及勤奮，令阿Ken得到東主楊太賞識，獲對方打本一百萬元，成為兩間新店嘅小股東兼總經理。
阿Ken話，雖然剛入職不久已經知道楊太有意提攜新人，但當時始終經驗未夠，直到楊太近期喺觀塘裕民坊開設兩間新店，「千歲擔擔麵」及「蒸益求蒸」，佢終迎來最佳時機，同時亦非常感謝楊太嘅信任及鼓勵。
「蒸益求蒸」顧名思義喺以中式蒸品為賣點嘅健康食店。阿Ken指，「蒸益求蒸」好歡迎有才能嘅年輕人加入，至於「千歲擔擔麵」就主要承傳「詠藜園」嘅招牌四川擔擔麵，唔少退休員工被返聘成為顧問，形容員工加埋成千歲。
面對管理兩間新店嘅壓力，阿Ken話營運初期都感到吃力，但好彩裕民坊嘅人流好好，兩間新店目前試業期間都幾火爆，運作亦逐漸順暢。佢提及，兩間新店將於下星期二（九日），正式開幕，歡迎大家前來品嚐！
Kelly Chu
更多文章
