KellyChu - 比賽前彈琴 助紓壓「人劍合一」 「重劍一姐」多才多藝 晒鋼琴演奏片段｜Executive日記
KellyChu
2023-09-15 00:00
字體大小
「重劍一姐」江旻憓（Vivian）唔單止劍藝非凡，私底下原來多才多藝，琴藝同樣精湛！佢喺IG分享兩段鋼琴演奏片段，短短2分鐘，就令小妹如癡如醉。其實Vivian之前都分享過，彈琴唔單止幫自己減壓，仲係佢「人劍合一」嘅秘訣！
Vivian昨日喺IG限時動態分享兩段鋼琴彈奏片段，雖然加埋不過2分鐘，但已經聽出耳油。樂曲溫柔抒情，相比劍擊場上勇猛不屈嘅Vivian，好似呈現佢嘅另一面。其實Vivian彈琴自有一套心得，佢之前就分享過，自己3歲嗰陣，被媽媽逼住學琴，初頭練10分鐘就唔想再彈，不過往後隨住年紀增長，就慢慢愛上彈琴。而最想彈嗰陣，係每次劍擊比賽前，除咗可以幫自己紓緩壓力，仲有助「人劍合一」。
其實Vivian私下下好多才多藝，除咗打劍、彈琴叻，仲識打跆拳道、彈古箏、畫畫同埋跳芭蕾舞；學業亦同樣威水，佢2012年成功考入美國史丹福大學，修讀國際關係學士學位，之後仲分別攻讀中國人民大學法律碩士，同埋香港中文大學嘅法律博士。
Kelly Chu
最Hit
大家樂$30/半斤叉燒回歸！加碼$10加配小食拼盤 上回網民力讚「好到難以置信」
2024-09-19 12:46
大家樂長者優惠｜一連七日加碼3大折扣 晚市減$8/免費雞翼 長者咭/樂悠咭都有份！
2024-09-19 12:48
名醫曾「被判」患胰臟癌 成功抗癌不復發！2招「餓死」癌細胞 早餐必喝1飲品
2024-09-18 13:25
更多文章
