Jacky哥 - 恒生撐公益金便服日 漫畫風海報籲支持兒童保護及福利服務｜企業熱話
Jacky哥
2023-10-17 00:00
字體大小
一年一度嘅「公益金便服日」即將喺10月30日舉行，今年嘅主題係「Wear Your Moment」。便服日一直深受港人歡迎，可謂係一個別具意義嘅慈善活動。眨下眼，原來呢個慈善活動今年已經踏入30周年。為咗提升及加強社會對保護兒童的意識，大會今年特別將籌得之善款全數資助提供兒童保護及福利服務嘅公益金會員機構。恒生銀行一向都好支持社區公益活動，今次亦都唔例外。Jacky哥聽聞恒生銀行執行董事兼行政總裁施穎茵Diana今年就率先換上一身型格輕裝，同一眾MT及員工子女影咗一輯以「Our Moments of Joy」為題的海報相，鼓勵員工一齊響應便服日，齊心支持兒童保護及福利服務。今次嘅海報設計亦好有心思，用上大家都好鍾意嘅漫畫風格，Diana同參與拍攝嘅同事及小朋友手持嘅道具都係佢哋兒時最鍾意嘅食物或者玩具，並且急不及待互相分享，成個充滿歡樂嘅兒童樂園咁，夠哂童真。
恒生今年亦一如以往會將同事嘅捐款作一對一配對，以幫助社會上更多有需要的兒童及家庭，令他們得到全面發展。原來今年已經係恒生連續第26年成為便服日嘅鑽石贊助機構，多年來為活動籌得超過港幣3,000萬元，盡顯該行上下為善不甘後人嘅傳統。
Jacky哥
更多文章
