梁家權 - 一代粥王 | 好味大過天
梁家權
2024-07-05 02:00
字體大小
「呢啲魚冇人識欣賞㗎，淨係識得食東星、杉斑、老鼠同老虎。烏絲都係斑，生命力好頑強，上水好耐仲彈彈吓！」李文基師傅找來一堆烏絲魚，要分幾條給我，我把照片給鴨脷洲的水上人看，他指肉質又滑又夠魚味，而且好抵食。
小時候母親在旺角街市避風塘前的攤檔，常買廉宜的雜魚，有時夾雜烏絲及石九公，用來滾枸杞湯之後淋上熟油豉油便成一餸一湯兼有菜，所以對烏絲的魚味名副其實早就「心知肚明」。看到基哥的烏絲，眼睛烏亮，拿上手輕捏魚身充滿彈性，奈何這星期每晚都有飯局，家裏不開火鑽，基哥沒好氣：「來『粥麵館』食啦！」
求之不得。基哥是我廚藝師父，認真唔話得，特登請景叔在黃昏前用烏絲配豬肉丸砂鍋滾粥（見圖）讓我獨享。景叔堪稱香港一代粥王，早年他在灣仔開店已嘗過他的手勢，後來基哥收他在旗下，其實景叔已逾退休之年，平日刨馬仔之外，便是回鰂魚涌嘉里中心粥麵館煲粥。
我自小在旺角由上海街老店到花園街店的富記粥品，對粥品的高低有所了解，富記經營逾半個世紀後退出江湖，對愛吃粥的人來說實在可惜，尤幸如今尚有景叔。說實話，我輩有幸吃過富記和景叔的粥，一生算無憾了。
識食的老饕食髓知味都會去搵景叔，但此情要珍惜了，因為粥麵館將在本月底「光榮結業」，我也約定景叔和基哥九月新馬季開鑼入馬場玩玩，向兩位好買馬仔的前輩學習。
這天景叔用足心機炮製烏絲魚粥，不單止啖粥鮮甜無比，滾過粥的烏絲，蘸上豉油及夾一把薑絲蔥花，滋味無窮。當人人北上尋美味，香港的寶要珍惜啊。想食就去食，有得吃就要吃，珍惜眼前！
梁家權
最Hit
男子患脂肪肝靠喝1飲品 2周後成功降血脂血糖 不用吃藥兼減3kg
2024-09-06 13:40
稻香再推老友記早茶優惠！長者$18.8任揀2籠點心 午市下午茶粥粉麵飯$28起 新推$48水餃濃湯雞
2024-09-07 00:03
40歲前港男「國民女婿」中年發福？ 面腫走樣重回TVB娘家開工：回憶返晒嚟！
2024-09-06 15:30
更多文章
