KellyChu - 日本埼玉縣名古屋立例 規定「只能站不能動」 行人電梯意外多 港鐵宣傳「左右企定」 | Executive日記
KellyChu
2024-08-29 02:00
字體大小
唔講唔知，原來港鐵擁有嘅扶手電梯數目，全港最多，變相成為好多人嘅「另類交通工具」，但上上落落，唔企定，好牙煙㗎。Kelly親眼目擊過有人跌落梯底受傷，仲係唔止一次，所以呼籲大家企定定，好重要。港鐵好重視扶手電梯嘅安全，最近搵咗藝人林海峰出新海報，宣傳搭電梯要「左右企穩，安全要緊」。
Kelly呢兩日坐港鐵，見到藝人林海峰嘅新海報，宣傳搭電梯要「左右企穩，安全要緊」，一反傳統嘅「左行右企」講法。其實，港鐵去年搵嚟日本動畫小丸子宣傳「握扶手，唔好行，左右兩邊企定定」，今年就搵咗「林狗」宣傳搭扶手電梯要「改變習慣，安全最讚」、「左右企穩，安全要緊」，似乎想改變大家「左行右企」嘅習慣。早於2006年，港鐵就宣傳「搭電梯、握扶手、咪亂走」；2009年亦呼籲「握扶手 企定定 最抵讚」。
人口老化，放工又攰，飲咗酒易失平衡，最好坐升降機。小妹見有人「跑梯」趕列車，跌親會好大件事。呢個問題，日本好關注，名古屋和埼玉縣已立例在行人電梯上「只能站不能動，亦不可行上行落」。喺台灣，捷運話未來還是會持續以「緊握扶手、站穩踏階」來宣傳，但不會限制旅客站立的位置或行走與否。
KellyChu
港鐵在2009年亦呼籲「握扶手 企定定 最抵讚」。
港鐵2006年宣傳「搭電梯、握扶手、咪亂走」。
最Hit
更多文章
