Cally - 迪士尼．彼思聖誕魔法 人氣角色化身棉花糖造型亮相 | 商界講呢啲
聖誕節又嚟喇，迪士尼．彼思今年喺香港商場搞咗個特別嘅活動，帶嚟咗好多大家熟悉嘅動畫角色，同大家一齊過個甜蜜嘅聖誕節！今次活動叫做「Pixar Sweet Dreams聖誕甜夢之旅」，喺新地旗下嘅六個商場舉行，活動唔止有普通嘅聖誕裝飾咁簡單，而係帶大家用五種感官去體驗聖誕節嘅氣氛，包括《怪獸公司》、《反斗奇兵》、《玩轉腦朋友》同埋《熊抱青春記》嘅角色，全部都變成咗可愛嘅棉花糖造型，令人好似置身喺粉紅色嘅童話世界！
Pixar Sweet Dreams甜夢系列 總動員登場
喺北角匯嘅「甜蜜棉花糖樂園」，阿樂同阿愁變咗做棉花糖，企喺彩虹上面同大家打招呼，俾你感受到甜蜜嘅味道，仲有小熊貓陪住佢哋添！最特別嘅係「棉花糖美食車」，裡面擺滿咗各種角色嘅迷你棉花糖，睇到都覺得好sweet。另外仲有「Pixar Sweet Dreams休憩區」，阿樂、阿愁、勞蘇、獨角獸、大眼仔、毛毛、Bunny同Ducky都喺度等緊你，仲可以坐喺「夢幻雲朵梳化」上面，感受一下甜蜜夢鄉嘅氣氛。
而上水廣場就有2米高嘅「巨型士多啤梨香味勞蘇」，香甜嘅味道令人一試愛上，香噴噴嘅士多啤梨散發全身，仲有個「彩虹夢幻之路」同「星星毛毛打卡牆」，絕對係影相嘅好地方。場內仲有「迪士尼˙彼思期間限定店」，賣勞蘇主題精品，等你可以買返屋企。而將軍澳中心就俾你聽到開心嘅聲音。毛毛同大眼仔變咗做棉花糖員工，好得意㗎！最特別嘅係「WOW毛毛哈哈牆」，你輕輕掂一掂個星星，毛毛就會笑出聲，好正！仲有2米高嘅毛毛邀請你玩「彩虹打卡滑梯」，一定好好玩。場內仲有「迪士尼˙彼思期間限定店」，有齊各款角色主題精品。
歡樂氣氛網紅打卡位
想影下歡樂氣氛嘅相，就一定要去PopWalk天晉滙嘅「玩轉腦朋友」，喺「樂悠哈哈鏡」前同阿樂擺出不同可愛甫士，每個角度都反射出搞鬼身形同表情，帶來體驗全方位的視覺感，仲有個「自我意識」區域，可以根據你嘅心情起伏變化按掣轉色。最特別嘅係個「光影記憶球」，波波燈折射出幻變的效果，隨手影出網紅照，仲有立體特效眼鏡送添，戴上去睇嘢會有愛心效果㗎！另外仲有吹氣「情感快車」同2.5米高嘅「五色彩雲」，一定會令你開心晒。
另外，卓爾廣場2米高嘅「小熊貓」『摸』法世界，就俾你摸得到軟綿綿嘅體驗，仲有2.5米高嘅「巨形毛毛尾巴」俾你摸。最好玩嘅係可以玩「小熊貓井字過三關」遊戲，睇下邊個會贏。最後喺life@KCC，《反斗奇兵》嘅Bunny同Ducky竟變咗做棉花糖，喺雲上面搖來搖去。仲有個2米高嘅「夢幻彩虹拱門」同2米高嘅「毛毛心形裝置」，影相一定好靚，仲可以坐喺白雲上面影相，好似發白日夢咁。呢個聖誕節，一於去呢幾個商場感受下迪士尼．彼思嘅魔法啦！保證會俾你一個難忘嘅甜蜜聖誕體驗。
由11月9日至11月22日的指定日子及時間，新地將設「Pixar Sweet Dreams派送車」於6個商場輪流快閃，為粉絲送上甜蜜驚喜！顧客可於指定日期及地點換領棉花糖及「Pixar Sweet Dreams甜夢之旅」通行證。憑「Pixar Sweet Dreams甜夢之旅」通行證可到訪商場指定地點收集指定印章，集齊印章即可換領商場現金券及迪士尼．彼思Sweet Dreams系列限量精品。詳情請留意各商場Facebook專頁公佈11月下旬起，各商場更預備了一系列獨家迪士尼．彼思Sweet Dreams系列限量精品，包括旅行套裝、各款文具用品及廚具等，粉絲們萬勿錯過，將心愛角色一擁回家，延續甜蜜五感回憶，歡度快樂聖誕！
新地6大商場
「Pixar Sweet Dreams聖誕甜夢之旅」聖誕裝置
地點：上水廣場、北角匯、將軍澳中心、
PopWalk天晉滙、卓爾廣場、life@KCC
