KellyChu - 增5主題區域 沉浸式細味 《九龍城寨》展12•16移師啟德AIRSIDE商場 | Executive日記
KellyChu
2024-11-21 02:00
字體大小
現時正於機場展出嘅《九龍城寨之圍城》展覽，將呢套賣座電影多個經典場景1︰1重塑展出，非常吸睛。旅發局話，展覽第一階已於昨日結束，第二階段將喺12月16日移師至電影故事「主舞台」九龍城，在位於舊啟德機場嘅AIRSIDE商場內展出，並升級為開放式設計和增設5個新主題區域，讓市民和旅客更近距離細味城寨。
九龍城寨之圍城電影展自10月7日喺香港國際機場接機大堂開放後，吸引唔少市民旅客前往「打卡」，跟隨電影步伐探索香港。展覽中重現嘅電影場景包括「七記冰室」、「龍城髮廊」以及「強記士多」等，製作團隊亦高度重塑昏暗小巷、錯綜複雜嘅電線及鐵皮屋，盡顯昔日城寨風情。
而下個月喺AIRSIDE登場嘅第二階段展覽，將進一步升級為開放式設計，與參觀人士沉浸式互動。大家可以透過霓虹燈牌下「走進」九龍寨城，穿過天線縱橫交錯嘅陰暗後巷，並漫遊電影中出現過嘅大小商舖、檔口，近距離體驗寨城風情。
呢次體驗除咗保留機場展覽中嘅多個特色主題區，更增設5個新主題區域，讓入場人士瞬間重返電影中嘅經典場面。旅發局指，期望透過兩階段《九龍城寨之圍城》展覽，讓旅客和市民親歷其境，跟隨電影步伐深度發掘香港歷史和文化，同時更享受大銀幕以外嘅精彩香港時刻。
KellyChu
展覽將進一步升級為開放式設計，與參觀人士沉浸式互動。
更多文章
