KellyChu - 海洋公園推吸睛大熊貓精品 公仔似足「真熊」可愛爆燈 | Executive日記
KellyChu
2024-11-21 02:00
字體大小
政府話要發展熊貓經濟，現時擁有6隻大熊貓嘅海洋公園，昨日宣布推出全新大熊貓精品及美食，包括由「熊貓工廠」出品嘅仿真大熊貓寶寶公仔、熊貓寶寶手工製作瓷器系列等等，款款都可愛爆燈，相信會成為遊客搶手紀念品！
仿真大熊貓寶寶公仔似足龍鳳胎「家姐」「細佬」，使用純羊毛面料和手工製作，睇相已經感受到毛茸茸嘅質感，令人好想即刻攬上身，不過價錢就稍貴，要1480/套。海洋公園亦預告一款「超人家姐熊貓毛公仔」，將於周六隆重登場，同日起於海洋公園網上商店接受預購，小妹期待亮相。
其他新品仲有齊一套8款嘅熊貓透卡，可以拎住印有大熊貓可愛模樣嘅透明卡，隨時隨地同靚景打卡留念。
而海洋公園聯乘Studio 7 Days推出嘅熊貓寶寶手工製作瓷器系列，有多款得意迷你裝飾瓶及首飾，Kelly都好鍾意。
KellyChu
熊貓寶寶手工製作瓷器系列。
更多文章
