KellyChu - 江玉歡打卡《PANDA GO》雕塑 盼增紀念品店發酵熊貓經濟 | Executive日記
KellyChu
2024-12-10 02:00
字體大小
全港最大型熊貓展覽《PANDA GO！香港遊》帶嚟2500隻可愛熊貓雕塑，上周六起率先登陸第一站尖沙咀星光大道。立法會議員江玉歡專程到場打卡，支持「熊貓經濟」，不過佢認為今次熊貓展覽雖然人流不絕，但熊貓紀念品欠奉，希望大家喺活動意念及統籌上更加用心。
江玉歡喺社交平台上傳多幅熊貓雕塑配維港美麗夜景嘅照片，自己也落場影埋一份。不過開心之餘也盡議員本份，反思活動係咪有助推動本港發展「熊貓經濟」。佢話現場所見，展覽吸引咗大批遊客及市民，但尖沙咀海傍除咗大型商場，不靠近其他商舖，「類似的活動除帶動人流外，也要帶來消費。」
佢從K11走到廣東道，見到最多人幫襯嘅係富豪雪糕車嘅軟雪糕，又憶道早前叮噹展起碼也有紀念品店，由瑜伽地墊到玩具，務求令人滿載而歸，結果大賣收場。然而當晚所見，遊人開心拍照，但熊貓紀念品欠奉，人財兩不得，「我們是否能在活動意念及統籌上再想想呢？」
KellyChu
更多文章
