KellyChu - 一連7日「麥麥Celebrate」 陪你開個靚年 麥當勞McGriddles早餐元旦全日供應 | Executive日記
KellyChu
2024-12-28 02:00
字體大小
距離2025年尚餘數天，大家準備好除夕倒數活動未呢？倒數完唔怕無消夜，亦唔驚錯過早餐時段，因為麥當勞將於元旦日當天，全日供應備受港人歡迎嘅McGriddles楓糖班戟漢堡，以及港人最愛早餐之一嘅珍寶套餐，陪大家開個靚年！
為迎接2025年，麥當勞向全港市民帶嚟日日不同驚喜，首個震撼驚喜—楓糖班戟漢堡系列（McGriddles）將強勢加盟全日早餐系列，市民喺除夕夜倒數狂歡後，由凌晨零時起就可到全線麥當勞餐廳，品嘗到呢份日本大人氣滋味！
除咗McGriddles系列外，同樣係港人最愛早餐之一嘅珍寶套餐，亦會喺下月1日全日供應，並以$37套餐優惠價發售。另外，平日只於早餐時段供應嘅脆薯餅亦會限時全日供應，脆薯餅嚴選來自美國等地嘅原隻馬鈴薯製成，經過多重和嚴謹生產工序，帶來分外金黃香脆美味！
麥當勞App亦會於下月2日起，推出連續7日「麥麥Celebrate」優惠與眾同歡。深受歡迎嘅「$10九件麥樂雞」將於下月2日登場，而載譽歸來嘅呍呢嗱奶昔絕對係大家嘅集體回憶，下月4日將會推出限定「$10呍呢嗱奶昔」優惠，一齊重拾經典滋味；下月5日亦有「$10兩個香芋批」，粒粒軟糯芋頭，讓您新一年感受到滿滿幸福感。
香港麥當勞昨天宣布，由於整體經營成本不斷上漲，下月2日起，輕微上調主要產品價格$0.5至$1，平均加幅約2%，魚柳飽及麥樂雞超值套餐價格則維持不變。
KellyChu
更多文章
