KellyChu - 熱心司機扶伯伯過路 網民大讚「成件事和諧有愛」 | Executive日記
KellyChu
2024-12-30 02:00
字體大小
香港馬路繁忙，節奏急速，司機大多分秒必爭，不過亦不乏有耐心、有愛心嘅好司機，願意停下來幫助有需要嘅人。昨日網上流傳一段好人好事嘅短片，一個司機揸車駛到樂富富強街一個斑馬線前，有個拿着枴杖嘅伯伯正在過馬路，步履蹣跚，於是司機即刻落車，扶伯伯過馬路，得到網民大讚。
片中嘅伯伯腳步緩慢，行咗數步仲差點跌倒，但司機依然好有耐心攙扶，足足咗扶伯伯1分鐘，一步一步，伯伯最終成功過路，期間後面幾部車輛亦好體諒，並無響喇叭催促。之後司機才返回座駕驅車離開。
影片流傳後熱議，網民紛紛大讚「現場所有司機都真係好人好事」、「最讚係冇人狂呠，成件事好和諧好有愛」、「正能量的影片唔怕多，這先係真正獅子山下精神」、「今天你幫人，他日人幫你，世界多美好」。不過亦有人擔心伯伯，行動不便卻獨自外出，好危險，希望佢可以有人陪同才出街。
KellyChu
更多文章
