KellyChu - 葵涌醫院醫護組樂隊 聖誕高歌治癒院友心 | Executive日記
KellyChu
2024-12-30 02:00
字體大小
音樂治癒人心，一支由葵涌醫院醫護人員及前院友組成嘅樂隊，喺聖誕節前，特別為院友舉辦一場音樂會，共度佳節。葵涌醫院專門照顧精神科病人，呢支樂隊「音樂伙伴」，自去年3月起大約每2個月舉辦一次音樂會，鼓勵院內嘅病友，幫助佢地建立自信。
葵涌醫院嘅活動室內，「音樂伙伴」奏起多首聖誕歌曲，節日氣氛濃厚。曾經入住葵涌醫院嘅林麗英，亦有份表演，依家佢擔任朋輩工作員，以「過來人」身份向住院者分享感受。佢話無論情緒好壞，都可以憑歌曲或音樂治癒自己，音樂會令人感受到有朋輩同行。
院友既係聽眾，亦可以係表演者，院友區柏恒初踏台板，佢為音樂會練習咗一個半月。發起音樂會嘅係精神科註冊護士兼「音樂伙伴」結他手楊嘉樂，佢話院方會發掘有潛質嘅復元人士，邀請佢哋喺音樂會表演，只要從旁引導同訓練，佢哋會進步，讓院友從中得到力量，漸漸建立自信。
KellyChu
區柏恒（右二）期望讓病人家屬和外界知道，精神病患者可以康復，可以在人前表演。
更多文章
