KellyChu - 月亮披「紅裝」拜早年 天文台：雷利散射現象 | Executive日記
KellyChu
2025-01-28 02:00
字體大小
聽日就係大年初一，市面裝飾都喜慶洋洋一片紅，連月亮近日都變得橙紅。好多網民大讚好靚之餘，笑問係咪月亮都換上「拜年裝」，同大家提早拜年。天文台就喺FB，以「點解月亮會橙紅色？」為題發文，同大家科普下。
對於早前就有人影到維港夜空出現一輪「橙月」，天文台話，其實月亮「變色」，係同佢嘅位置有關，當月亮較接近地平線時，仰角會比較低，光線要穿過較厚嘅大氣層，導致大部分波長較短嘅紫藍色光線被散射走，剩返波長較長嘅橙色同紅色光線，所以就會見到橙紅色嘅月亮喇！天文台又補充：「呢種『雷利散射』現象，都會令太陽貼近地平線時睇落更紅紅橙橙，所以日出、日落就會見到太陽成個『鹹蛋黃』咁喇！」
KellyChu
更多文章
