英國速剪 £6，有心髮型屋增感官室助自閉症兒童剪髮
移英港媽生活分享
2022-02-27 09:04
字體大小
香港再收緊防疫措施，市民 4 月 20 日之前都無得去剪髮，有朋友話都要學我買定個電髮剷用，在家幫兩位男生剪髮。
來英前，由於個個都話英國剪髮好貴，所以特登買定工具預備要自己操刀，誰知我地有次行行下街，發現一間髮型屋有速剪，無論大人細路一律只係 £6，自此，我的剪髮神器都可以收起了。髮型師是英國人，跟香港速剪店一樣只剪不洗，最難應該係要溝通點樣剪，幸好男孩子不外乎係 trim、layering、shorter，都唔難應付，雖未至於香港速剪店咁啱心意，但都可以收貨。
英國最多的剪髮店應該是 Barber，提供剪髮及修剪鬍鬚的服務，不少是土耳其人所開，這些店子顧客以男士及小孩為主，一般剪髮免洗，費用約 £10，價錢都可接受，我覺得土耳其髮型師對處理耳邊「的碎」尤其出色。有部分髮型屋亦設兒童半價，一般 16 歲以下都作小童計，即刻抵咗。
我 9 個月無剪過頭髮，早兩星期都的起心肝要去搞搞個頭。Nottingham 有兩位香港人髮型師，今次幫襯了其中一位女髮型師，我天生頭髮 wavy 又多毛毛，最感動係這裡可以做負雜子直髮，處理一下久經失修的 wavy hair，髮型師特別在香港訂來負離子機及資生堂的直髮潤髮用品，價錢比我在香港做時約貴幾百，本著一年做一次的心態，心裡就好過點。同髮型師傾開，大家都唔明點解英國 salon 的洗頭服務係坐著洗，而好少香港瞓低洗的做法，知道原因的朋友不妨留言分享下。
我在 Nottingham 仲發現一間好有心的髮型屋，特別於店內設感官室，布置成海洋世界，讓特殊需要如自閉症的小朋友可以在自成一角、寧靜的空間剪髮，又設有警車座椅，吸引小朋友坐定定，FB page上有自閉症小朋友媽咪表示，小朋友可以坐定定完成剪髮，開心又感動。
最Hit
