【小說】灑滿落英的街角（七）｜富一代富二代定係富三代
嘉嘉，正職旅行嘉，副業打工仔。
2022-05-24 06:30
字體大小
前文提要：若蘭回憶丈夫逝世的那段難過歲月！
若蘭在律師樓的接待員工作不難做，時間也不難過，因為還有一位做接線的Annie，負責接駁來電。其實若蘭不明白為什麼還要請自己，因為Annie其實已經可以兼任接待員的工作。
反正每天在律師行出入的客人不多，見得最多的，就是速遞員。加上有些客人要走秘密通道，所以根本沒有什麼人可供接待！另外Annie與公司上下的關係也很好，聰明伶俐又開朗。而作為一同坐在接待處的同事，她的最大優點就是夠八卦，簡直係一本公司小百科！
今天返到公司還未坐下，Annie又開始她的爆料一周：
「老闆個仔呀，又有新女朋友啦！今次勁呀，係一個女明星。」
若蘭覺得奇怪，有錢仔同女明星拍拖，有幾勁呢？
「佢以前啲女朋友全部都係20幾歲，今次呢個30幾啊！係佢老婆，呀，唔係，係前妻以外年紀最大嘅女朋友呀！」
若蘭其實對於老闆，或者老闆的兒子並沒有太大概念，她甚至好像未見過老闆！但聽Annie這樣說，似乎老闆的兒子年紀也不輕！
「你冇見過老闆個仔咩？好型㗎。係老咗啲咋嘛！」Annie說。
若蘭一時間有點混亂，老闆的兒子「老咗啲」，那麼老闆「咪好老」？
「Annie，我想問咁老闆係律師，定係老闆個仔係律師？」
「老闆係律師，老闆個仔做好大生意，佢係富三代；啲錢都係老闆俾佢嘅，呢幢大廈都係老闆嘅！」
若蘭正在更混亂思考着富二代富三代期間，只見Annie在手袋拿出一份報紙的娛樂版，指着其中一幅相，說：「呢個就係大少，即係我哋老闆個仔！」
（待續）
最Hit
