中秋節｜外國月亮特別圓？移英港人十零鎊成本自製月餅應節
移英港媽生活分享
2022-09-10 08:00
字體大小
去年中秋，才來英半年，一切沒準備之下，只訂購了港人糕餅師的月餅禮盒應吓節。在英國想食月餅，中超亞超都有得買，大品牌如大班冰皮、榮華、美心都可以買到，亦有台灣出品的台式月餅，一盒價錢約 15 至35 鎊，還算可以。不過今年我哋已經唔使靠人，因為月餅模已到手，自己月餅可以自己整！
DIY抹茶紅豆奶黃月餅
師奶如我即刻計下自己整奶黃月餅成本要幾多。
主材料如低筋麵粉 ( £0.58)、吉士粉 ( £1.25 )、鹹蛋黃 (£6.95 )、椰漿 (£1 )、芝士碎 (£2)、無鹽牛油 (£2)，約合共 14 鎊已經整到近 45 個迷你月餅。奶黃月餅當然最老少咸宜，呢兩星期已經焗了近廿個。想整傳統月餅中超亦有蓮蓉餡售賣，蛋黃蓮蓉月餅也唔再奢侈。想新派則有現成芝麻、紅豆蓉餡，最新口碑作是抹茶紅豆奶黃月餅，加少少日本辻利茶舖的宇治抹茶粉，帶少少回甘抹茶香，街坊朋友都話是餅店水準。我地仲送咗少少俾英國人鄰居，佢地第一次食月餅，仲大讚好味話「it’s amazing」。
傳統應節水果最難買到
中秋日，我們本來約好相熟的香港家庭齊齊 BBQ，可是星期四英女王逝世，我們決定改為室內吃飯相聚。我負責預備飯後果及甜品，無疑應節水果如水晶梨、楊桃、林柿、沙田柚在這裡都欠奉，不過水果檔的水果平靚正，好似 1 鎊兩個哈密瓜、2 鎊一盆的車厘子、提子、扁桃，同樣豐富。
由於地理位置的關係，英國看到的月亮無疑是大又圓，但重要的還是一家人齊齊整整，未必能跟至親一起，在異國跟新朋友聚首，也是另一種祝福。
更多文章
