中泰混血THAIMAY挾競技啦啦隊闖樂壇獲公司力捧靠空翻動作響朵

更新時間：22:45 2023-05-03
發佈時間：22:45 2023-05-03

樂壇新人泰妹THAIMAY（楊雅文）首支單曲《獅吼功》於日前正式在各大音樂串流平台上架，擁有泰國血統的THAIMAY，在朋友推薦下參加2022年《試當真校花校草選舉》並於網民票選下奪得季軍，甜美外型加上舞獅隊及競技啦啦隊隊員的身份，讓她未正式出道已經成網絡討論熱話。THAIMAY今年正式加盟Demo Records，成首位力捧新人，公司更為她度身訂造出道作《獅吼功》，邀請韓國創作人Samuel Ku作曲、鍾說（鍾雪瑩）填詞，著名香港攝影師兼導演Miss Bean執導，還有《全民造星III》的Timo擔任排舞老師，為THAIMAY打響頭炮

【點擊睇泰妹THAIMAY（楊雅文）新相】：

THAIMAY坦言希望透過新歌表達自己過去一年入行的急速轉變：「娛樂圈比起自己認知嘅世界更廣闊同複雜，成日好驚自己講錯嘢、搞壞個形象。我知道公司同大家對我嘅期望，所以好努力學習做藝人。」雖然有時會感到苦惱同困惑，反覆去想在做「自己」同符合「世界」之間如何取得平衡，但THAIMAY時刻以做前空翻的勇氣「忘記掉重力」，繼續向前翻騰，不會受大眾的框架局限，鼓起勇氣創造自己的遊樂場。

THAIMAY早前為新歌拍攝MV，當日在30多度高溫下，在草地上跳唱兼做出高難度空翻動作，更走訪不同場景而拍通宵，搞到她要出動按摩槍舒緩疲勞：「佢哋以為我做咩係咁䟴腳，其實我係肌肉酸痛，同埋嗰日真係超熱，又要狂跳舞成個人不停出汗，最後用埋無比滴搽喺隔肋底，即刻爽晒。」向來冇生暗瘡的THAIMAY，緊張到拍攝當日爆壓力瘡：「話晒人生第一個正式MV，我真係好好好緊張，但係又好開心喎，因為我搵咗平日一齊跳啦啦隊班隊員，有佢哋喺度，我放鬆好多，仲要多謝成個團隊，個個都對我好好，辛苦晒大家。」首次進軍樂壇的THAIMAY亦定下目標，將會繼續貫徹獅隊精神，無論打空翻定撞板都決心企穩，成為為世界帶來更多刺激的辣椒仔！