雯雯突然又呻崩潰sell慘情吸關注以舊IG帳號出新帖賣廣告賺奶粉錢

更新時間：18:15 2023-07-28
發佈時間：18:15 2023-07-28

「離婚界KOL」區燕雯（雯雯）多次數臭老公張致恒（Steven）「又廢又懶」，無法應付家中開支，但又驚爆再懷有第4胎，而且臨盆在即，早日Steven被爆在天水圍食店打工，搵錢維持頭家，不過其後又傳他只返咗幾日工而已，上周Steven就變返慈父，一拖3帶住兒子陪埋懷孕妻行書展，同老婆和好如初。

雯雯月中時就宣布關閉原有嘅IG帳戶，另外開設全新IG，需要每月付費$50入會，至今已有236個粉絲加入成為付費會員。不過，雯雯本來已清空及宣布不再用嘅舊IG帳戶，今日中午竟突然有新帖文及出新嘅限時動態﹗她分享了與孻仔身於主題公園相片，並寫道︰「最近個人完全係崩潰狀態.. 好多好多問題都解決唔到，冇晒方向，直到遇到占卜師Jacqueline。喺占卜嘅過程中都好好，好有耐性同好詳細咁慢慢解釋我嘅問題。答晒所有嘅問題之後，仲好有心咁有贈言畀我，我都係第一次遇到占卜會送贈言，仲要係一個好詳盡同好有心嘅贈言。呢個占卜之後我開始有番方向，同知道自己應該點樣走之後嘅路，冇再咁迷失。好多謝。」有網民表示她只是為占卜師賣廣告，亦有人向她發放正能量謂：「知道自己未來方向就好」。及後雯雯再出Po承認，(舊IG)只作廣告用途不會更新。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ