盧瀚霆推出夏日快歌展示強壯臂彎 沖繩拍MV狂流汗搞到濕晒
更新時間：00:45 2024-07-18
發佈時間：00:45 2024-07-18
發佈時間：00:45 2024-07-18
字體大小
盧瀚霆(Anson Lo)新歌《Hey Hey OK!》為暑假而推出，故充滿夏日歡樂氣氛。Anson Lo說：「一直好想推出一首summer vibe（夏天氛圍）嘅歌，一來未試過做夏日風格，二來對上幾首歌都係比較暗黑，都係關於自己內心世界，或者遇上悲慘遭遇嘅情歌，所以好想出一首好開心嘅歌，為大家帶來唔同感覺。」
Anson Lo新歌《Hey Hey OK!》充滿夏日歡樂氣氛。
新歌喺沖繩拍MV。
Anson Lo展示強壯手臂。
《Hey Hey OK!》有夏天氛圍。
他更特地前往陽光與海灘的沖繩拍攝MV，雖然冇泳褲LOOK，但就着背心展示強裝手臂；Anson Lo亦趁機來一趟夏日快閃旅行，實行寓工作於娛樂當作度假，他開心道：「夏天令我聯想起食雪糕、陽光與海灘，今次MV中亦滿足晒所有我對夏天嘅expectation（期望），自己好耐未試過喺沙灘、海邊玩，所以諗返起細路仔嘅時候。」MV少不了有大玩特玩的環節，他更初體驗撐水上滑板，更自爆鏡頭前好有型玩得好開心，但鏡頭以外險些反艇，拍攝過程都幾搞笑。至於最辛苦兼最沒趣嘅就係化妝：「因為我好大汗，好多fans都幫我起咗個花名叫『流汗霆』，拍攝期間補妝補咗好多次，另外塊面寫住Hey Hey OK OK係花咗個幾個鐘雕啲字出嚟，真係好考耐性，要多謝化妝師嘅神來之筆。」
