楊受成率領英皇藝人團拜歐陽震華加盟半年感刺激泳兒領軍當大師姐祝酒

更新時間：16:15 2025-02-07 HKT
發佈時間：16:15 2025-02-07 HKT

英皇娛樂昨晚（6日）舉行新春團拜晚宴，集團主席楊受成博士率領旗下藝人包括：泳兒、歐陽震華、VIVA、周家怡、溫碧霞、陳國邦、楊天宇、曾傲棐、艾妮、洪助昇等出席，加上霍汶希助陣，現場星光熠熠。英皇眾同門藝人難得相聚，大家都把握機會合照，去年由英皇電影開拍的《破•地獄》大收1億6000多萬，成香港史上最強電影，老闆楊博士眼光獨到，更即場舉行抽獎環節，氣氛熱鬧。

歐陽震華蛇年願望：最重要係冇疾病

而去年簽約英皇娛樂的歐陽震華，首次參加公司的新春團拜，他說：「好開心，因為我好多年冇參與類似嘅活動，以前喺TVB好似冇呢個環節，團拜就有，但一齊食飯就冇。」歐陽震華指最興奮的是入了新公司後，做了一些他從沒做過的事：「第一年入公司，舊年六月開始到而家過咗半年，我覺得呢半年好刺激，刺激嘅係我做咗啲以前咁多年都冇做過、或者冇人搵我做過、甚至係自己冇諗過我會做到嘅事。」歐陽震華口中所說的就是參與了內地歌唱節目《聲生不息》，他坦然當時十分緊張，「我怕失禮公司、失禮香港演員。一唱完我問公司同事有冇走音。」至於蛇年願望，歐陽震華說：「希望大家都身體健康，日日都開開心心，最重要係冇疾病、冇戰爭。」