$1,000一隻石頭鍋？港人揭美孚散貨場疑似騙局淘寶只賣$XX 籲長者不要貪小便宜上當網民指店內有人「做媒」製著數假象

更新時間：19:00 2024-07-29
發佈時間：19:00 2024-07-29

買東西時千萬不要貪小便宜，慎防被騙！近日，有網民在社交平台上發文，指美孚散貨場疑似出現騙局，一個石頭鍋竟要價$998，店主更會以免費為由游説購買，但其實類似的石頭鍋在淘寶$100内已有交易？樓主看到有長者上當，續籲長者不要貪小便宜，但有網民反指樓主「天真」，表示上當長者「可能係媒嚟」。

美孚散貨場疑似騙局淘寶只賣$XX

近日，有網民在Facebook群組「香港突發事故報料區及討論區」發文，指美孚萬事達廣場的散貨場疑似出現騙局，「依家越來越多垃圾鋪係（喺）美孚！」。樓主表示，散貨場售賣的貨品是石頭鍋，而一個石頭鍋竟要價$998。從樓主分享的照片可見，石頭鍋上面更貼有「原價$4,488」的標示，相信是希望透過優惠減價吸引市民購買。

樓主補充，店主會「開頭同你講免費送你，志在幫公司做宣傳，之後就4千、3千、2千、1千，都唔收你，只係收你$998！」藉此游説客人購買。而其實淘寶上也有售賣類似石頭鍋，外觀上與散貨場出售的石頭鍋十分相似，售價低至$88，相比起散貨場便宜近$910。樓主更看到有「兩個公公婆婆中左（咗）招」，續提醒長者不要貪小便宜上當，「天下無免費午餐」。

網民質疑有人「做媒」製著數假象

對於樓主指有長者中招，網友卻質疑真假，「有D（啲）呀婆唔係中招，尤其第一二個，係『做媒』，佢地（哋）慈祥善良天真無邪的外表，實情狼狽為奸」、「傻的，媒嚟嫁，演員呀，樓主而家都咁天真」、「果兩個可能係媒黎（嚟）」、「唔需要太過上心，2個公公婆婆可能都係『做媒』，不過見到而家香港係咁去賣嘢，真係痛心」、「嗰兩個公公婆婆係媒嚟㗎」。

亦有網民指這種騙局很久之前已經出現過，「曾經見過依個男人起香港仔出現，附近會有一個『媒』，比完錢，轉彎末就擺底貨品，因為近巴士站，我全程起巴士上層見到晒」、「呢D（啲）街頭騙術，真係橋唔怕舊，總有貪心之人」、「幾廿年前手法，仲呃到人？」、「呢啲嘢一向都有㗎啦，遠紅外線襪……」、「呢隻鑊賣左十幾年，由$500賣到依家$1,000，都仲有人買」、「街頭騙案，好耐啦」。