祖馬龍心水│「高明力量」辣操求交代
更新時間：18:43 2024-10-22
發佈時間：18:43 2024-10-22
發佈時間：18:43 2024-10-22
字體大小
無論去幾多次日本旅行都覺得新鮮，途中每行幾步就想使錢。入到精品舖，祖馬龍見到好嘢撳一撳荷包，突然發現幾張紙幣不翼而飛。跌錢事小，樣衰事大，喺他國漂亮售貨員面前區區幾十蚊都攞唔到出嚟。返到酒店冷靜計一計，其實啲錢似係使咗多過跌咗，因為去到唔同舖頭都好感興趣，所謂跌錢，其實係跌晒入舖頭收銀機嗰度。
祖馬龍今次好認真刨馬，因為泥地絕對唔係我嘅強項，假如唔認真刨吓，臨場聽到咩風都想跟番注，成晚就注定跌錢，努力刨馬有助減少好多無謂注碼。呢鋪比較喜歡「高明力量」，貪呢場冇步速，排個靚檔可以跟前少少，連日又拍跳催谷。上場贏嘅「日日獎」已經升班，跑第二嘅「星火燎原」又加咗分，來回賺磅呢鋪即食。
第二場 4 高明力量 5 星火燎原 11 錶之多多
第六場 1 郎善好施 5 良駒好友 2 閃電
