黎明詩逝世丨莫鎮賢指黎明詩食道癌惡化影響行動拒坐輪椅 揭患病仍出力照顧前夫
發佈時間：20:20 2024-03-28
90年代玉女歌手黎明詩（Stephanie）今日（28日）因癌離世，終年58歲，其後各方好友都證實她的死訊。今日黎明詩好友莫鎮賢及何婉盈接受TVB《娛樂新聞台》訪問，曝光了不少黎明詩患癌細節，莫鎮賢透露黎明詩起初是患食道癌。
好友受訪揭黎明詩患癌細節：
黎明詩去年7月曾為何婉盈慶生，當時黎明詩已開始消瘦，今日何婉盈接受TVB《娛樂新聞台》訪問，指黎明詩早於大半年前開始抗癌之路：「佢其實大半年前開始已經開始抗癌，我都知嘅，呢排都有去醫院探佢。佢抱一個好正面嘅態度去抗癌，但可能擴散……咁就麻煩啲囉！我哋啲朋友都知，佢呢兩日就走嗰陣都冇咩痛苦，OK嘅，安詳嘅！」何婉盈近日因工作而要到內地，但她起程前亦曾到醫院探黎明詩：「當時佢仲可以同我對答嘅。」她憶起2019年曾跟黎明詩合作開演唱會，當時的點滴都令她很深刻，不過可惜那次卻是二人最後一次合作。
相關閱讀：黎明詩逝世丨去年7月與文佩玲劉彩玉聚會！短短一個月現消瘦樣 何婉盈：眾人開心果
黎明詩病情惡化仍硬撐
黎明詩另一好友莫鎮賢亦接受TVB《娛樂新聞台》訪問，透露黎明詩起初是患食道癌，其後病情惡化，癌細胞擴散導致行動不便：「行都行唔到，又唔肯坐輪椅，都係好硬撐，要人扶佢覆診或者做療程嗰陣，都係一個好硬撐嘅人。反而我係好後期先知，可能佢唔想我知，我最後同佢聯絡都係透過電話，當時佢表現畀我睇都仲係OK。」直至近日黎明詩病情再惡化，大批朋友趕回港見她最後一面，而黎明詩一直陷於昏迷狀態，直至今日安詳離世，莫鎮賢更指當時黎明詩是笑着離開人世。
相關閱讀：黎明詩逝世丨關寶慧晒合照悼念好友：明明見到你康復的，為何又突然這樣呢？
黎明詩曾歷失敗婚姻公開出櫃：
莫鎮賢：黎明詩係一個有情有義嘅人
莫鎮賢指去年約10月，黎明詩一度好轉，黎明詩更主動提出可以為他做MV女主角，亦很精神地為他拍攝了新歌MV，本來打算今年生日時相約欣賞黎明詩拍的MV，想不到會變成遺作。莫鎮賢表示有聯絡黎明詩的同性伴侶Kelly，他更大讚黎明詩對前夫有情有義：「因為佢前夫身體都唔好，佢咁啱屋企冇人照顧時，詩妹已經好病，佢都堅持返去照顧前夫，所以黎明詩係一個有情有義嘅人。」更表示非常不捨黎明詩。
其他文章：
黎明詩逝世丨FB突更新帖文以一曲作道別 歌詞令人心酸：跟你愉快但太短
黎明詩逝世丨去年6月與梁思浩見面 剪超短髮狀態好 獲讚又靚又有氣質
黎明詩逝世｜與銀行家前夫離婚後公開認戀同性 與愛人Kelly英國相遇認識30年
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
