王祖藍開心獲大女讚靚仔同李亞男計劃搞十周年結婚Party

更新時間：15:35 2024-05-15 HKT
發佈時間：15:35 2024-05-15 HKT

王祖藍今日（15日）現身港台節目《是日快樂》，分享快樂秘笈。祖藍自嫌不夠靚仔，於是派人在節目《褔祿壽訓練學院》扮劉德華，大女王天韻（Gabby）有到場欣賞，便跟他講：「點解你覺得自己唔靚仔？你係靚仔嚟㗎！」但在場的細女王海靜（Hayley）就無出聲。祖藍說：「大女比較圓滑，似我古靈精怪。細女似老婆李亞男好文靜，好似就嚟被人蝦咁。」

王祖藍坦言不介意女兒繼承他做搞笑接班人，並由她們決定將來喜歡做什麼，又指太太在母親節獲得兩位女兒親自畫咭送贈。提到早前與太太李亞男到意大利旅行，問到是否經常過二人世界？王祖藍表示每年結婚周年也會跟太太過二人世界，明年是兩人結婚十周年，所以想效法前輩杜平的結婚六十周年派對，希望自己十周年開始舉辦，就可以儲下回憶。提到李思捷與阮兆祥扮成「東張何伯、新何太」接受訪問，令觀眾笑爆。王祖藍笑言在電話群組睇到兩人的打扮，已經覺得神似又好笑。他說：「呢幾日事態仲有發展，所以我哋都要更新去拍，之前老婆同媽媽喺內地都話要翻睇。」