星8卦丨「漏口」天生奸妃格專撬牆腳遇「大婆」出招敗走一身蟻無人同情

更新時間：11:30 2024-07-30
發佈時間：11:30 2024-07-30

有時真係唔明點解咁多生得相貌娟好嘅女人鍾意做小三，好似「漏口」好人好姐，當日出嚟有名銜、有身材仲有學識，唯一係唔識做戲，但都夠一班男人爭崩頭。偏偏「漏口」天性要爭，對人哋啲男友老公特別有興趣，出嚟就同「花旦」爭「濶少」，「花旦」雖然嫁唔到入豪門，但「濶少」始終覺得有愧於心，諗住養佢一世。

相關閱讀：星8卦丨「大紅」自食其力識富二代上位被踢爆童年曾做手術雌雄莫辨

點知「漏口」擺明搶，搵相熟記者扮唔覺意撞到，「濶少」見食得唔好嘥，但冇諗到會令「花旦」冇面，終於激嬲咗「花旦」走去同高層話要封殺「漏口」，好彩高層無出手，加埋呢排真係無人用，咪放佢一條生路。

不過唔識死嘅「漏口」，最近走去搞「大哥」，貪人哋金又英偉，又唔查清楚人哋老婆「巴辣」嘅老豆係邊位，由於太過高調，一向縱容老公出去食呢個食嗰個，總之你要畀足面屋企嘅女人，但今次係「漏口」搞搞震，成日唱通街話擺平咗「大哥」，「巴辣」覺得無面，於是唔聲唔聲咁搵人喺佢屋企樓下收佢皮，仲要全程對付佢塊面，搞到「漏口」成個月出唔到街。

更厲害今次「巴辣」叫老豆出手搵高層傾，要佢令「漏口」無得翻身，所以佢今次真係一身蟻無運行，但又冇朋友個個笑佢抵死，狐狸精梗係人見人憎啦！

其他文章：

星8卦丨「一號」恃住名氣貪心狂用品牌錢苦戀「俊型」被飛贏名

星8卦丨後生仔流行輪流食雞唔駛負責「未夠秤」玩真感情正戇居仔

星8卦丨「妹妹」誤信「發姣」可以搵快錢當「經理人」無到認真忘本

星8卦丨「小天后」體弱得怪病「威威」拚命三郎搵錢伴妻打硬仗

星8卦丨「阿俊」被力捧成為財神爺衰爛賭遭封殺死不悔改

↓立即下載星島頭條App↓