星8卦丨「骨精」亂投資趁低吸納蝕大本累「長髮」狂接job退唔到休

更新時間：11:30 2024-08-06
發佈時間：11:30 2024-08-06

「長髮」一向喜歡姐姐，當初追「花旦」真係好賣力，覺得自己一條死𡃁仔追到咁紅嘅姐姐係自己執到。可惜年紀相差太大，佢係諗住行到尾，「花旦」紅得滯個人變得有啲怪情緒，「長髮」同佢分咗手之後就搵到錢，相反「花旦」咁多年都無乜著落，所以佢到而家都有照顧「花旦」嘅生活。

相關閱讀：星8卦丨「新貴」債主追到上公司高層投降安排北上避麻煩

不過無人估到以為係浪子嘅「長髮」最後情訂於「骨精」身上。同佢之前所有女人都一樣，高高瘦瘦好有氣質，啱嘅年紀所以咪結婚。「骨精」成日畀人誤會好犀利，唔係點搞得掂「長髮」？事實佢兩個有共同興趣，日日都做運動，可以話從來未遇過一位咁夾又啱傾嘅靈魂伴侶。

「骨精」鍾意移民，「長髮」由得佢係外國買屋做民宿，又搞好多地產投資，問題係「骨精」唔識，成日聽身邊一個損友話買呀實賺，結果淨係匯價已經蝕到佢面青。「長髮」竟然一句聲都唔出，叫經理人幫佢搵多啲job嚟填番條數，呢啲咪叫真愛囉！但「骨精」實在太多諗頭，話既然人哋啲錢貶值就索性瘋狂入貨，點知越入越跌，終於連「長髮」都開聲，無端端令自己唔見咗一半身家，搵都未搵得切呀，所以兩公婆最近有啲拗撬，希望「骨精」唔好再扮投資精明，累死老公，都幾十歲，搵錢實在唔易㗎！

其他文章：

星8卦丨「漏口」天生奸妃格專撬牆腳遇「大婆」出招敗走一身蟻無人同情

星8卦丨「大紅」自食其力識富二代上位被踢爆童年曾做手術雌雄莫辨

星8卦丨「一號」恃住名氣貪心狂用品牌錢苦戀「俊型」被飛贏名

星8卦丨後生仔流行輪流食雞唔駛負責「未夠秤」玩真感情正戇居仔

星8卦丨「妹妹」誤信「發姣」可以搵快錢當「經理人」無到認真忘本

星8卦丨「小天后」體弱得怪病「威威」拚命三郎搵錢伴妻打硬仗

星8卦丨「阿俊」被力捧成為財神爺衰爛賭遭封殺死不悔改