星8卦丨「倒𥄫」情場多波折貼錢打本益「番鬼」以為有得嫁

更新時間：11:30 2024-09-27
發佈時間：11:30 2024-09-27

「倒𥄫」唔知點解次次拍拖都不得善終，好似同「細路」一齊入訓練班，青梅竹馬都愛得好真心，點知畀同學「車車」橫刀奪愛，無非係因為女嘅家境唔錯，「細路」自覺冇乜天份，不如早啲咬軟更實際。

之後同合作而擦出火花嘅「叔叔」有段父女戀，陰公嘅係兩個人相逢恨晚，「叔叔」同老婆可以話係圈中典範，於是就地下戀咗幾年，「叔叔」都有照顧下「倒𥄫」嘅生活，可惜老婆去搵高層講數，叫公司管好啲花旦仔，還返個老公畀自己。如是者跌跌碰碰，「倒𥄫」終於畀「番鬼」狂追，兩個人有文化差異，但就好鬼合拍，「倒𥄫」呢個時候有啲錢，「番鬼」話自己好想創業，於時「倒𥄫」即刻拎咗一半身家出嚟幫手。

朋友見到梗係撳住啦，可惜係「倒𥄫」已經情迷心竅，「番鬼」仲話開多一間分店就同佢結婚，但生意真係好麻麻，又賣到咁貴，大家都替「倒𥄫」啲錢肉赤，但一心以為有得嫁嘅「倒𥄫」，已經唔多戀棧幕前，到有一日啲錢蝕晒，「番鬼」又點對佢睇嚟真係要下回分解！

其他文章：

星8卦丨「扮勁」狗眼睇唔起人教仔搵有錢人做朋友窮人咪埋身

星8卦丨「勇仔」後生捱壞身體頻頻大病連累蝕大本坐冷板

星8卦丨「大仔」愛姐姐「阿媽」經濟封鎖老竇出手支持幫「大仔」繼續愛

星8卦丨「乖巧」人前人後兩個樣埋怨公司推job錯失攞獎機會

星8卦丨「敗家」痴迷「平凡」「正室」靠老爺度橋捉姦保住頭家

↓立即下載星島頭條App↓