王菀之身形暴瘦至見骨！健康狀況令人擔心連張敬軒都留言：係咪我睇錯？

更新時間：20:30 2024-11-26
發佈時間：20:30 2024-11-26

45歲的王菀之（Ivana）睽違11年，宣布明年2月22及23日再在紅館舉行演唱會，近日王菀之忙於宣傳外，更在社交網分享演唱會試造型的照片，其骨感身形獲不少網民關注，大批圈中好友更認為王菀之過瘦，擔心她再繼續減磅，會令健康出問題。王菀之對眾人睇相睇一半，感到好無語。

王菀之冇用濾鏡

王菀之近日在IG分享照片，見到有兩個演唱會造型，一張是穿上露肩紅裙晒背面，另一張是窄身露肩黑裙，兩張相同樣見到王菀之瘦到見骨。王菀之留言：「送上演唱會試造型照。。。（2014，多謝）#條腰 #唔好再俾我見到呢條裙」，而王菀之另一個留言，同樣重申是2014年的造型：「演唱會試造型照2，冇，真係冇filter（2014，唔該）明天gym starts，以呢張相+15磅為目標。係，言下之意，我比起嗰陣重咗大概 #演唱會心理前哨戰」。

王菀之為演唱會展開地獄式減肥？

相關閱讀：王菀之大馬首辦個人音樂會自爆與父母順道旅遊

雖然王菀之多度表示是舊相，但網民及圈中好友都沒有理會，張敬軒留言：「係咪我睇錯，我見到骨呀！！！」張繼聰勸王菀之：「你已經好靚，唔好俾咁大壓力自己」，老婆謝安琪則稱讚：「我淨係知你每一日都咁靚」，而鄧小巧也有留言：「唔洗減啦，你只係有fat，但你唔fat」，湯駿業表示：「Wah…你唔好再減啦，好好睇㗎啦！」